भैरहवा– सिद्धार्थ सिद्धार्थ उद्योग वाणिज्य संघको ५९औं वार्षिक साधारणसभा तथा अधिवेशनबाट आगामी ३ वर्षे कार्यकालका लागि अध्यक्ष कुलप्रसाद न्यौपानेसहितको प्यानल विजयी भएको छ।
अध्यक्ष न्यौपानेले ८ सय ६९ मत प्राप्त गरेका छन् भने उनका निकटतम प्रतिद्वन्द्वी डा शान्तकुमार शर्माले ६ सय ७३ मत प्राप्त गरे। कार्यसमिति सदस्य बाहेक अन्य सबै पदमा न्यौपानेको प्यानलले जित हात परेको छ।
वरिष्ठ उपाध्यक्ष पदमा भीष्मप्रसाद न्यौपाने विजयी भएका छन्। उनले ९ सय २७ मत प्राप्त गरेका छन् भने प्रतिद्वन्द्वी नवराज न्यौपानेले ६ सय ४६ मत प्राप्त गरे। उद्योग उपाध्यक्षतर्फ अरुण गोयन्काले ९ सय ६१ मत प्राप्त गरी विजयी हुँदा उनका निकटतम प्रतिद्वन्द्वी शान्ता जिसीले ६ सय ४८ मत प्राप्त गरिन्। त्यस्तै, वाणिज्य उपाध्यक्षमा ठाकुरकुमार श्रेष्ठ १ हजार ६८ मत प्राप्त गरी विजयी भएका छन्।
महासचिव पदमा नेत्रप्रसाद आचार्य १०९३ मतसहित विजयी भए भने सचिवमा विजय पाण्डेले ९ सय ३१ मत प्राप्त गरी निर्वाचित भए। कोषाध्यक्षमा दिलीपकुमार कान्दु ८ सय ८ मतसहित विजयी भएका छन्।
१० जना वाणिज्य कार्यसमिति सदस्यमा हरिशकुमार सेठिया, धर्मवीर शर्मा, गौरव श्रेष्ठ, सञ्जयकुमार वेरिवाल, प्रितम रौनियार, अर्जुन कार्की, गोपाल भण्डारी, कमलप्रसाद मरासिनी, त्रिलोकीप्रसाद तेली र गंगासागर अग्रहरी निर्वाचित भएका छन्।
५ जना उद्योग कार्यसमिति सदस्यमा गोविन्द ज्ञवाली, मंगल भण्डारी, रमेश घिमिरे, सुरेन्द्र उपाध्याय पौडल र भुवनकुमार कान्दु निर्वाचित भएको निर्वाचन अधिकृत शिव गौडेलले बताए। कुल २१ सय ६७ मतदाता रहेको संघमा १६ सय ३९ मत खसेको थियो।
एसोसिएट, महिला र वस्तुगत सदस्य निर्विरोध
सिद्धार्थ उद्योग वाणिज्य संघको एसोसिएट, महिला सदस्य वस्तुगततर्फको सदस्य भने निर्विरोध निर्वाचित भएका छन्। एसोसिएट सदस्यतर्फ रोहितकुमार अग्रवाल र दीपककुमार पौडेल निर्वाचित भएका छन् भने महिला सदस्य उद्योगतर्फ पल्लवी न्यौपाने र वाणिज्यतर्फ यमकला न्यौपाने भए। त्यस्तै, वस्तुगत सदस्यमा कृष्ण शर्मा निर्वाचित भएको निर्वाचन समितिले जनाएको छ। वस्तुगत सदस्यको व्यवस्था पहिलो पटक गरिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1792052881.png)
-1786602170.png)
