मानव बेचबिखनको आरोपमा पक्राउ परेका खड्का जेल चलान

सुरक्षा/अपराध

नेपाल लाइभ शुक्रबार, मंसिर १३, २०७६ ०८:३१

काठमाडौं– मानव बेचबिखनको आरोपमा पक्राउ परेका प्रेम खड्का भनिने डुलबहादुर खड्का जेल चलान भएका छन्।

उनलाई प्रहरीको केन्द्रीय अनुसन्धान ब्यूरो (सिआइबी)ले मानव बेचबिखन तथा आसोरपसार र संगठित अपराधमा मुद्दा चलाएको थियो।

जिल्ला अदालत काठमाडौंका न्यायाधीश श्रीकृष्ण भट्टराईको इजलासले खड्कालाई बिहीबार पुर्पक्षका लागि थुनामा पठाउने आदेश गरेको हो।

नेपाल सरकारबाट श्रम स्वीकृत नै नगरी विदेशमा रोजगारीको लागि पठाउँछु भनेर मानव तस्करी गरेको भन्दै सिआइबीले उनलाई पक्राउ गरेको थियो।

खड्काले अन्य व्यक्तिसँग मिलेर नेपाली महिलालाई १ महिनासम्म भारतका विभिन्न होटलमा पुर्‍याएर अलपत्र पारेको अवस्थामा माइती नेपाल र भारतीय संस्थाको सहयोगमा उनीहरुको उद्दार गरिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कोशी मुख्यमन्त्रीको कार्यकक्षमा मोबाइल लैजान प्रतिबन्ध

रवीन्द्र मिश्रलाई थप पाँच दिन हिरासतमा राख्न अनुमति

राप्रपा रुपन्देही उपाध्यक्षसहित तीन नेताले दिए राजीनामा