काठमाडौं– प्रधानमन्त्री कार्यालय सिंहदरबारमा मन्त्रालयगत कार्य सम्पादन समीक्षा चलिरहेको छ। प्रधानमन्त्री केपी शर्मा ओलीद्वारा बोलाइएको बैठकमा मन्त्रीहरु र सचिवहरु सहभागी छन्।
गत साउन १५ गते प्रधानमन्त्री केपी शर्मा ओली र मन्त्रीहरुबीच छुट्टाछुट्टै ‘कार्यसम्पादन सम्झौता’ भएको थियो। सोही अनुसार मन्त्रीहरुले पनि सचिव तथा विभागीय प्रमुखहरुसँग अर्को सम्झौता गरेका थिए।
सम्झौतामा उल्लेख भए अनुसारको कार्य प्रगति भए नभएको विषयमा चार–चार महिनामा मूल्यांकन गर्ने गरी प्रधानमन्त्री तथा मन्त्रिपरिषद् कार्यालयमा उच्चस्तरीय संयन्त्र स्थापना गरिने बताइएको थियो।
आजको बैठकमा पुराना मन्त्रीहरूले आफ्नो मन्त्रालयको चौमासिक कार्यसम्पादन प्रगति प्रस्तुत गर्ने कार्यक्रम छ। त्यसपछि मन्त्रीहरुलाई प्रधानमन्त्रीले निर्देशन दिने कार्यक्रम छ।
मंसीर ५ मा मन्त्रिपरिषद् पुनर्गठन भएपछि त्यतिबेला सम्झौता गरेका केही मन्त्री बाहिरिएका छन्। आजको बैठकमा नयाँ मन्त्रीहरुले आफ्ना योजना सुनाउने छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
