काभ्रेपलाञ्चोक- जिल्ला प्रहरी कार्यालय धुलिखेलले धुलिखेल नगरपालिका-९ रानाछापका महेश रानाभाटको घरबाट गएराति साढे ९ लाख रुपैयाँसहित २३ जुवाडेलाई पक्राउ गरेको छ।
पसल व्यवसाय गर्ने रानाभाटको घरमा जुवा खेलिरहेको भन्ने विशेष सूचनाका आधारमा गएराति १ बजे काभ्रेपलाञ्चोक प्रहरी प्रमुख प्रहरी उपरीक्षक जयराज सापकोटा नेतृत्वको सुरक्षाकर्मी टोलीले रु ९ लाख ५७ हजार ८ सय ७० नगद तथा १ सेट कौडासहित जुवा खेलिरहेका २३ जनालाई पक्राउ गरेको हो।
पक्राउ पर्नेमा ३७ वर्षीय घरधनी रानाभाटसहित धुलिखेल नपा-३का ४१ वर्षीय भीमसेन तामाङ र ३६ वर्षीय कृष्णकुमार तामाङ, नमोबुद्ध नपा-२का ४२ वर्षीय नेमा लामा, नमोबुद्ध नपा-३का ३६ वर्षीय अर्जुन तिवारी, नमोबुद्ध नपा-४का ३५ वर्षीय रमेश तिवारी, रोशी गाउँपालिका-७का २६ वर्षीय पुष्कर दर्जी, बनेपा नपा-११का ४२ वर्षीय सुमन अधिकारी, बेथानचोक गाउँपालिकाका ३२ वर्षीय जयराम तिमल्सिना, चौँरीदेउराली गाउँपालिका-५का ३७ वर्षीय रामप्रसाद चौलागाईं, पाँचखाल नपा-७का अच्युत चौलागाईं, महाभारत गाउँपालिका–३का २४ वर्षीय सुजन लामा, बनेपा नपा–६का सुजन केसी रहेको प्रहरी नायब उपरीक्षक दीपक गिरीले जानकारी दिए।
यस्तै, पक्राउ पर्नेमा गोरखाको सिरानचोक गाउँपालिका–५का ३१ वर्षीय अमृत बानियाँ, नुवाकोटको शिवपुरी गाउँपालिका–७का २८ वर्षीय सन्तोष पाण्डे र सोही गाउँपालिका–७का २५ वर्षीय प्रवीण पाण्डे, नुवाकोटकै लिखु गाउँपालिका-१का २८ वर्षीय नवराज थिङ, दोलखाको मेलुङ गाउँपालिका-३का २२ वर्षका दीपक थोकर, दोलखाको विगु गाउँपालिका-४का ३८ वर्षीय राजन शर्मा, झापाको कमल गाउँपालिका-५का २८ वर्षीय जितेन्द्र तामाङ, सिन्धुपाल्चोकको बाह्रबिसे नपा-२का ३८ वर्षीय नवीन गुरुङ, मकवानपुरको थाहा नपा-६का २८ वर्षीय भुवन बलामी र सोही नपा-७का ३५ वर्षीय बसुन्धरा केसी रहेको प्रहरीले जनाएको छ।
पक्राउ परेकाको राती नै मेडिकल जाँच गरी प्रहरी हिरासतमा राखिएको प्रहरी नायब उपरीक्षक गिरीले बताए। उनका अनुसार उनीहरुलाई आजै म्याद थप गरी थप अनुसन्धान गरिनेछ।
अनुसन्धानपछि पक्राउ परेकालाई जुवा ऐनअन्तर्गत मुद्दा चलाई कारबाही थालिने जनाइएको छ। यसअघि काभ्रेपलाञ्चोक प्रहरीले गत साउनमा बनेपा नपा-८ खसीबजारस्थित चतुरमान तामाङको डेराबाट सात जुवाडेलाई नियन्त्रणमा लिई रु १ लाख २३ हजार बरामद गरेको थियो भने सोही दिन बनेपा नपा-६ रामन्दिर नजिकको दमाईसिं वाइवाको घरमा तास खेलिरहेका ६ जनालाई पक्राउ गरी उनीहरुबाट रु १ लाख ४७ हजार बरामद गरेको थियो। -रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1765273665.jpg)
