टुंगियो जलजलाको केन्द्र विवाद, लामाखेतमा कायम

ब्लग

नेपाल लाइभ आइतबार, फागुन २०, २०७४ ०५:१०

पर्वत- जलजला गाउँपालिकामा लामो समयदेखिको केन्द्र विवाद समाधान भएको छ।

उत्तरी पर्वतको जलजला गाउँपालिकाको केन्द्र राख्ने विषयमा जनप्रतिनिधिबीच भएको विवाद मिलेको हो। साविकको माझफाँट गाविसको कार्यालयबाट सञ्चालन हुँदै आएको गाउँपालिकाको केन्द्र अब सोही गाविसको लामाखेतमा सर्ने भएको छ। हालै संघीय मामिला तथा स्थानीय विकास मन्त्रालयले लामाखेतमा केन्द्र तोक्ने निर्णय गरेपछि विवाद समाधान भएको गाउँपालिकाका अध्यक्ष यामबहादुर मल्लले जानकारी दिए।

गाउँपालिकाका स्थानीयवासीले माझफाँट केन्द्र हुँदा अपायक भएको र अन्य वडाका नागरिकले सास्ती खेप्नुपरेको भन्दै आन्दोलनसमे गरेका थिए। गाउँपालिका अन्तर्गत साबिक नाग्लिवाङ, धाइरिङ, बनौं, शालिजा र माझफाँटकै तल्लो क्षेत्रका बासिन्दा आन्दोलित बनेका थिए। अहिले चलिरहेको गाउँपालिकाको केन्द्रमा पुग्न करिब ६ देखि ७ घन्टा पैदल धाउनुपर्ने र अपायक हुने भन्दै जनप्रतिनिधिले विरोध गर्दै आएका थिए। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विपिन जोशी सकुशल रहेको परराष्ट्रमन्त्रीको दाबी, फर्केर आउने आश्वासन

प्रयागराजमा महाकुम्भ मेला सुरु, ४० करोड सहभागी हुने अनुमान [तस्बिरहरु]

असङ्‌गठित श्रम क्षेत्रको सवाललाई लिएर गराइयो सरोकारवालाको ध्यानाकर्षण