काठमाडौं– होली मनाउने क्रममा उच्छृंखल गतिविधिमा संलग्न २ सय ८७ जना उपत्यकामा पक्राउ परेका छन्। जसमा खुकुरी बोकेर हिँड्नेदेखि झैझगडा गर्नेसम्म छन्।
दिउँसो ४ बजेसम्म २ सय ८७ जनालाई पक्राउ गरी अनुसन्धान भइरहेको महानगरीय प्रहरी कार्यालय रानीपोखरीका एसएसपी पूर्णचन्द्र जोशीले बताए। पक्राउ परेकामध्ये ४ जनालाई प्रहरीले गोंगबुबाट खुकुरीसहित पक्राउ परेको हो। पक्राउ पर्नेमध्ये केही होली खेल्ने नाममा यौन दुर्व्यवहार गर्नेहरु समेत छन्।
त्यस्तै, ८ सय ६ वटा सवारी साधन पनि प्रहरीले नियन्त्रणमा लिएको छ। जसमध्ये ४ वटा टाटा सुमो छन्।
मादक पदार्थ सेवन गरी सवारी चलाउने, एउटा मोटरसाइकल/स्कुटरमा दुईभन्दा धेरै चढाउने, हेल्मेट नलगाई चलाउने तथा तीव्र गतिमा चलाइएका सवारी साधन ट्राफिक प्रहरीले नियन्त्रणमा लिएको हो। होलीको बेला ट्राफिक नियम मिच्ने प्रवृत्ति हुने भएकाले एक सयभन्दा धेरै स्थानमा चेकजाँच गरिएको थियो।
केही सामान्य झैझगडा बाहेक उपत्यकाको होली शान्त रुपमा भएको एसएसपी जोशीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
