बागलुङ– वसन्त ऋतुको रमाइलो पर्व फागु (होली) को उल्लास हिमाली र पहाडी जिल्लामा बिहानैबाट छाएको छ।
बागलुङ पनि होलीको रमझमबाट अछुतो छैन । रङको पर्व भनेर चिनिने होलीको उत्साह सर्वत्र छाएको छ । विशेष गरी युवापुस्ता होलीको ‘मुड’ मा देखिन्छन् । पसलमा रङ, खेलौना, होलीमैत्री पोशाक किन्नेको भीड छ । पर्वको छेकोमा विभिन्न संघसंस्थाले मेला, उत्सव आयोजना गरेका छन् । होलीलाई मर्यादित बनाउन सुरक्षा प्रबन्ध मिलाइएको छ।
प्रेम र भाइचाराको प्रतीक मानिने होली पर्वको असर सहर हुँदै गाउँसम्म पुगेको छ । होलीलाई विशेष गरी सहरी युवाले धुमधामसँग मनाउने गरेका छन्।
आधुनिकताले पर्वको मौलिकतामा ठेस पुग्न थालेको छ। संस्कृतिकर्मी प्रेम छोटाको अनुभवमा होलीको असली रुप फेरिँदै गएको छ। 'आधुनिकताले केही अन्तर पारेको छ, मौलिकता ओझेलमा छ', छोटाले भने।
होली पर्वलाई जगेर्ना गर्ने नयाँपुस्ताको आफ्नै शैलीप्रति भने छोटा पनि सन्तुष्ट छन्। पर्वमा गरिने तडकभडक र अबाञ्छित क्रियाकलापलाई रोक्नुपर्ने उनको तर्क छ।
होलीलाई परम्परागत शैलीमै मनाउन नसके पनि पहिचानलाई मर्न नदिने नेपाल भाषा मंका खल बागलुङका अध्यक्ष मुकेशचन्द्र राजभण्डारीले बताए। खलले वर्षौंदेखि फागु पर्वलाई संस्थागत रुपमा मनाउँदै आएको छ। 'बीचमा हराएको चलनलाई यसपालि हामी जोड्दैछौँ, मौलिकता जोगाउने हाम्रो ध्येय छ', अध्यक्ष राजभण्डारीले भने।
फागुमा पुजिने भगवानलाई भोग दिने, पूजाआजा गर्ने, फागुको गीत गाउँदै फर्कने चलन पछिल्लो समय हराएको थियो। पुरानै परम्पराअनुसार यो वर्ष बागलुङ भगवती मन्दिर र गणेश मन्दिरमा भोगसहित विशेष पूजाआजा गरिने भएको छ। पूजाआजापछि बागलुङ नगरपालिका–३ नौबिसेटोलको भोटे बारीमा सामूहिक भोज हुने अध्यक्ष राभजण्डारीले बताए।
पछिल्लो समय होली अमर्यादित बन्दा कतिपय अकल्पनीय घटनासमेत घट्ने गरेका छन्। सीमा र मर्यादाभित्र बसेर होली पर्व मनाउन स्थानीय प्रशासनले आग्रहसमेत गरेको छ। होलीका बेला उच्छृंखल गतिविधि हुन नदिन विशेष सुरक्षा निगरानी बढाइएको बागलुङका प्रहरी प्रमुख प्रहरी उपरीक्षक दीपक रेग्मीले बताउनुभयो। रासस
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
