बाजुरा– बाजुरा जिल्ला अस्पतालले एपेन्डिसाइटिसको शल्यक्रिया गरी उपचार गरेको शुल्क चार हजार रुपैयाँ मात्रै लिने गरेको । गरिब र पछाडि परेका वर्गलाई सहज उपचार सेवा दिनका लागि न्युन शुल्कमा उपचार गरेको जिल्ला अस्पताल बाजुरा प्रमुख डा। रुपचन्द्र विश्वकर्माले बताए । स्वामिकार्तिक गाँउपालिका १ साप्पाटा बस्ने धर्म रोकाया शनिवार आकस्मिक पेट दुखेर जिल्ला अस्पताल बाजुरामा उपचार पुगे । धेरै पेट दुखेका धर्मको स्वास्थ्यकर्मीले चेकजाँच गर्दा उनको एपेन्डिसाइटिस भएको पत्ता लगाए । आर्थिक अवस्था निकै कमजोर भएका धर्म जिल्ला बाहिर जान सक्ने अबस्था थिएन । त्यसैले उनको जिल्ला अस्पताल बाजुरमा एपेन्डिसािइटसको शल्यक्रिया गरियो।
जसको उनले शुल्क चार हजार मात्रै तिरे । जिल्लामै यसको उपचार हुन्छ, भन्ने थाहा थिएन । जिल्लामै उपचार हुँदा निकै सहज भएको बताए । पैसा पनि बचत समयमै उपचार पाएको उनले बताए । जिल्ला अस्पताल बाजुरामा एपेन्डिसाइटिसको शल्यक्रिया शुचारु भएपछि तिन जनाको शल्यक्रिया भइसकेको जिल्ला स्वास्थ्य कार्यालय बाजुराका प्रमुख डा विश्वकर्माले बताए।
एमडिजिपि डा। दुर्गा महर्जन आएपछि यो सेवा सुचारु भएको जिल्ला स्वास्थ्य कार्यलय बाजुराले जनाएको छ । एपेन्डिसाइटिसको शल्यक्रिया ४८ घण्टा भित्र गरिसक्नु पर्ने हुन्छ ।
बाजुरामा एकदमै न्युन शुल्कमा एपेन्डिसाइटीसको शल्यक्रिया हुने गरेको डा। महर्जनले बताए । ‘अहिले चार हजार लिने गरेका छौं । आर्थिक अवस्था निकै कमजोर भएकालाई त पूरै शुल्क छुट गर्ने गरेका छौं,’ उनले भने । निजि अस्पतालले यसको अप्रेशन गरेको कम्तिमा ४० हजार र सरकारी अस्पतालले १५ हजार भन्दा जति लिने गरेका डिा महर्जनले बताए।
डा दुर्गा महर्जनलाई निक साइमन्स इन्सिच्युट नामक संस्थाले एक वर्षअघि पठाएको हो । नेपाल सरकार स्वास्थ्य मन्त्रालयको सहकार्यमा बाजुरा जिल्लामा अप्रेशन सेवा सुरु गरिएको थियो। बाजुरा जिल्लामा आकस्मिक प्रसूति सेवा दिनका लागि र अन्य अप्रेशनका लागि चिकित्सक नभएकाले संस्थाबाट चिकित्सकको ब्यबस्था गरेको निक साइमन्स इन्सिच्युटका सुदूरपश्चिम कार्यक्रम संयोजक प्रशान्त विक्रम शाहीले बताए । आकस्मिक प्रसूति सेवा र हाइड्रोसिल सेवा बुधवारबाट सुचारु भएको छ । त्योसँगै जिल्लामा पहिलो पटक एपेन्डिसाइटिस, हर्निया, हड्डि भाँच्चिएको लगायतको शल्यक्रिया मंसिरबाट सुचारु भएको छ।
यसअघि यी सेवाका लागि बाजुराबासीले धनगढी, नेपालगञ्ज लगायतका ठूला शहरमा जानुपर्ने बाध्यता थियो । नागरिक समाजका अगुवा शेर बहादुर शाहीले जिल्ला बाहिर जाँदा एपेन्डिसाइटिसको उपचारमा पनि एक लाख भन्दा बढी खर्च हुने गरेो तथ्य अघि सारे । उनले भने, ‘अब बाजुराबासीले यी उपचारका लागि बाहिर जानुपर्ने अवस्थाको अन्त्य भएको छ ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787570132.jpg)
-1786602170.png)
-1786513116.png)
