२५ हजार अमेरिकी डलरसहित विमानस्थलमा एक भारतीय नागरिक पक्राउ   

नेपाल लाइभ | २०७६ मङ्सिर १ आइतबार | Sunday, November 17, 2019 १६:३५:०० मा प्रकाशित

काठमाडौं–त्रिभुवन अन्तर्राष्ट्रिय विमानस्थलबाट २५ हजार अमेरिकी डलरसहित प्रहरीले एक भारतीय नागरिकलाई पक्राउ गरेको छ ।

ओमन एयरको उडानद्वारा दुबई जान लागेका भारतीय नागरिक राहदानी नम्बर एस ८३००९००  बाहक ३५ वर्षीय सत्य नारायण रामाचार्य चार्यलाई पक्राउ गरिएको हो । उनको साथबाट लुकाइ छिपाइ लैजान लागिएको २५ हजार अमेरिकी बरामद भएको प्रहरीले जनाएको छ ।

विमानस्थलको प्रस्थानतर्फको हेण्डब्यागेज चेकिङ एरियामा जाँच गर्ने क्रममा रामाचार्यलाई ह्याण्ड व्यागभित्र पत्रिकाले बेरी लुकाइ लैजाने लागेको १ सय दरका उक्त अमेरिकी डलर सहित फेला पारी प्रहरीले पक्राउ गरेको हो ।

उनलाई थप अनुसन्धान एवम् आवश्यक कारवाहीको लागि राजश्व अनुसन्धान विभाग हरिहर भवन ललितपुर पठाइएको अन्तर्राष्ट्रिय विमानस्थल सुरक्षा कार्यालयले जनाएको छ ।
 

स्वर्ण रजत कास्य जम्मा
भारत
१०६ ६९ ३५ २१०
नेपाल
४३ ३३ ६२ १३८
श्रीलंका
३० ५४ ८३ १६७
पाकिस्तान
२१ २८ ३४ ८३
बंगलादेश
२२ ५४ ८३
माल्दिभ्स
भुटान