काठमाडौं– भ्रष्टाचारको मुद्दामा २ वर्षअघि अखिल नेपाल फुटबल संघ (एन्फा) का तत्कालीन अध्यक्ष गणेश थापालाई अन्तर्राष्ट्रिय फुटबल महासंघ (फिफा) ले १० वर्षसम्म फुटबलको कुनै गतिविधिमा लाग्न नपाउनेगरी प्रतिबन्ध लगाएको थियो।
तर, फिफाको निर्णय विपरीत थापा अप्रत्यक्ष रूपमा मात्र नभई सक्रिय रूपमै फुटबल गतिविधिमा लागेका छन्।
पछिल्लो पटक भने थापाले औपचारिक कार्यक्रम गरेरै फुटबलबारे अभिव्यक्ति दिएका छन्। एन्फाको कार्यसमितिको निर्वाचन नजिकिँदै गर्दा थापाले खुलेआम रुपमा फुटबलबारे अभिक्ति दिएका हुन्।
सोमबार थापाले आफ्नो खेलकुद सम्बन्धी नयाँ संस्था नेपाल स्पोर्ट्स अर्गजनाइजेन स्थापनाको विषयमा पत्रकार सम्मेलन आयोजना गरेका थिए। तर, उनले पत्रकार सम्मेलनको अधिकांश समय एन्फा निर्वाचनको विषयमा खर्चिए। आधा घन्टा भाषण गरेका थापाले पछिल्लो २० मिनेट फुटबलकै विषयमा बोलेका थिए।
पत्रकार सम्मेलनको सुरुमै थापाले संस्थाबारे जानकारी दिँदा फुटबल शब्द खुस्काए। उनले 'फुटबल फुत्किहाल्यो' भन्दै सरी समेत भने।
त्यसपछि एन्फा निर्वाचन नजिकिँदै गर्दा पत्रकार सम्मेलनको अर्थ के हो? भनेर जिज्ञासा राख्दा उनले भने, 'यो संयोग मात्र हो। एन्फा निर्वाचनमा कुनै सरोकार छैन।'
तर, त्यसपछिका प्रश्नमा भने थापा विस्तारै उत्तेजित बन्दै गए। अनि एन्फा निर्वाचनमा अध्यक्षका प्रत्यसी कर्माछिरिङ शेर्पामाथि खनिए।
'फिफाले फुटबल संघमा प्रत्यक्ष संग्लन नहुनु भनेको हो। तर, नेपालको फुटबलमा को आउँदा राम्रो हुन्छ भन्ने अधिकार मसँग छ,' थापाले भने, 'खुलेआम भनेको छु। अहिले मलाई आरोप लगाउने मानिस नेपालको फुटबलका लागि उपयुक्त होइन। के कारण हो भन्दिनँ।'
फुटबल गतिविधिमा संग्लन हुन नपाउने गरी प्रतिबन्धमा परेका थापा अहिले पनि नेपाली फुटबलमा आफ्नो प्रभाव कायम राख्न एन्फाको आगामी निर्वाचनको चलखेलमा लागेका छन्। करिब २१ वर्ष नेपाली फुटबलको बागडोर सम्हालेका थापा गत वर्ष एन्फा अध्यक्षको निर्वाचनमा आफ्नो पक्षधर नरेन्द्र श्रेष्ठलाई जिताउन सक्रिय थिए। आफ्नो पाँचौं कार्यकाल समाप्त हुन १ वर्ष बाँकी रहँदा थापा भ्रष्टाचारमा मुछिएका थिए।
उनकै सक्रियतामा गत वर्ष एन्फा अध्यक्षमा श्रेष्ठ र उपाध्यक्षमा उनकै साला मणि कुँवर विजयी भएका थिए। आगामी चैत १४ मा हुन लागेको एन्फाको केन्द्रीय अधिवेशनमा पुनः आफ्नो वर्चश्व कायम राख्न उनी सक्रिय छन्।
आगामी निर्वाचनमा एन्फाका पूर्वउपाध्यक्ष तथा हिमालयन शेर्पा क्लबका अध्यक्ष शेर्पा र एन्फाका वरिष्ठ उपाध्यक्ष मणी कुँवरको समूहबीच प्रतिस्पर्धा हुँदैछ।
कुँवरलाई एन्फाका वर्तमान अध्यक्ष नरेन्द्रलाल श्रेष्ठको समर्थन छ। साथै, प्रतिबन्धित थापाको पनि साथ र सहयोग छ।
थापालाई २ वर्षअघि फिफाले लाखौं डलर घुस लिएको ठहर गर्दै फुटबल गतिविधिमा संग्लन हुन नपाउनेगरी १० वर्षको प्रतिबन्ध तथा २१ लाख रुपैयाँ जरिवाना गरेको थियो। फिफाको स्वतन्त्र आचार समितिअन्तर्गत न्यायिक निकायको बैठकले थापाले सन् २००९ र २०११ मा भएको फिफाको कार्यकारी समितिको निर्वाचनका क्रममा घुस लिएको ठहर गर्दै फुटबलका गतिविधिमा संलग्न हुन नपाउनेगरी प्रतिबन्ध लगाएको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
