झापा र मोरङमा भएका दुर्घटनाबाट दुई जनाको मृत्यु

ब्लग

नेपाल लाइभ मंगलबार, फागुन १५, २०७४ ०८:०२

विराटनगर- झापा र मोरङमा सोमबार साँझ सडक दुर्घटनामा दुई जनाको मृत्यु भएको छ।

मोरङको धनपालथान गाउँपालिका १ मुस्लिम टोलमा ट्रयाक्टरको ट्रलीले लागेर सहचालक भारत अररिया का ४० वर्षीय साजित मियाँको मृत्यु भएको हो। को१त ६७६० नम्बरको ट्रयाक्टरको ट्रली जोड्ने क्रममा ट्रली उछिट्टिएर मियाँको छातीमा लागेको थियो। उनलाई उपचारका लागि तत्कालै गोल्डेन अस्पताल विराटनगर पुर्‍याए पनि उपचारकै क्रममा मृत्यु भएको प्रहरीले जनाएको छ।

झापाको मेचीनगर नगरपालिकामा ट्रयाक्टरले मोटरसाइकललाई ठक्कर दिँदा मेचीनगर नगरपालिका ४ का २४ वर्षीय कुमार भट्टराईको मृत्यु भएको छ भने शिवसताक्षी नगरपालिका ९ धरमपुर का २८ वर्षीय जीवन धिताल गम्भीर घाइते भएका छन्। घाइतेको बिएन्डसी अस्पतालमा उपचार भइरहेको छ।
मेचीनगर नगरपालिका १० धाइजन मोडमा मे१त १४०५ नम्बरको ट्रयाक्टरले को३०प १५७२ नम्बरको मोटरसाइकललाई ठक्कर दिएको थियो। गम्भीर घाइते भएका भट्टराईको उपचारका क्रममा मृत्यु भएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विपिनको रिहाइबारे कतारका विदेश राज्यमन्त्रीसँग परराष्ट्रमन्त्री राणाको फोनवार्ता

गाजा वार्ताको ‘अन्तिम चरण’ मङ्गलबार कतारमा सुरु हुने

संसदमा विचाराधीन विधेयक फिर्ता लिएर अध्यादेशमार्फत ‘बजेट क्यालेण्डर’ संशोधन