अस्पतालसहित ११ उद्योग लालबाबुको कारबाहीमा

ब्लग

नेपाल लाइभ आइतबार, फागुन १३, २०७४ १६:५४

काठमाडौं- जनसंख्या तथा वातावरण मन्त्री लालबाबु पण्डितले मापदण्डविपरीत सञ्चालनमा आएका उद्योग र अस्पताललाई कारबाही सुरु गरेका छन्।

वातावरणमा प्रत्यक्ष प्रभाव पार्ने गरी सञ्चालित विभिन्न उद्योग र अस्पतालमाथि उनले कारबाही अघि बढाएका हुन्।

मन्त्रालयले पहिलो चरणमा उद्योग तथा अस्पताललाई कारबाही गर्ने भएको छ। कारबाहीमा परेका उद्योग संस्थाहरुमा सोल्टी सिटी अपार्टमेन्ट रविभवन, द्वारिकाज होटल गौशाला, सिटी होटल रविभवन, काठमाडौं गेष्ट हाउस ठमेल, अरनिको आबुखैरेनी सिमेन्ट इन्डस्ट्री तनहुँ, कमला रोलिङ मिल्स प्रालि टंकीसिनुवारी मोरङ, काठमाडौं दुग्ध आयोजना बालाजु रहेका छन्।

यस्तै वातावरणीय प्रभाव मूल्यांकन मिचेर सञ्चालनमा रहेका अस्पतालमा नेपाल नेसनल अस्पताल कलंकी, अन्तर्राष्ट्रिय बालमैत्री अस्पताल महाराजगन्ज, काठमाडौं मोडल अस्पताल र काठमाडौं अस्पताल त्रिपुरेश्वर रहेका छन्।

मन्त्री पण्डितको निर्देशनमा ती अस्पताललाई तत्काल मापदण्डमा ल्याउनका लागि स्वास्थ्य मन्त्रालयमा पत्राचार भइसकेको छ।

उनीहरुलाई वातावरण ऐन २०५३ र निमावली २०५४ अन्तर्गत कारबाही प्रक्रिया अघि बढाइएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानको राजधानी नजिकै भएको गोलाबारीमा १२० भन्दा बढीको मृत्यु

सञ्चारमन्त्री गुरुङको स्पष्टोक्ति- रहरले नभइ आवश्यकताले अध्यादेश ल्याइएको हो

‘महाराजधिराज’को घोषणा, दोहोरो भूमिकामा पल