दैलेखमा ४ जनाको मृत्यु भएपछि छानबिन गर्न समिति गठन

ब्लग

नेपाल लाइभ आइतबार, फागुन १३, २०७४ ०१:१६

सुर्खेत- ६ नं प्रदेशका आन्तरिक मामिला तथा कानुनमन्त्री नरेश भण्डारीले दैलेखमा भएको जिप दुर्घटनाको सत्यतथ्यको छानबिनका लागि समिति गठन गरेका छन्।

मन्त्री भण्डारीले घटनाप्रति मन्त्रालयको गम्भीर ध्यानाकर्षण भएको भन्दै बिहीबार साँझको दुर्घटनाबारे छानबिन गर्नका लागि आज एक समिति गठन गरेका हुन्। घटनाको सत्यतथ्य छानबिन गर्न आन्तरिक मामिला तथा कानुन मन्त्रालयका उपसचिव भक्तबहादुर कार्कीको संयोजकत्वमा ८ सदस्यीय समिति गठन गरिएको मन्त्री भण्डारीले जानकारी दिए।

समितिमा प्रदेश प्रहरी कार्यालयका प्रहरी नायब उपरीक्षक वीरबहादुर वली, सडक डिभिजन कार्यालय सुर्खेतका प्रतिनिधि, यातायात कार्यालयका प्रतिनिधि, जिल्ला प्रहरी कार्यालय सर्खेतका प्रतिनिधि, ट्राफिक कार्यालयका प्रतिनिधि र मन्त्रालयका अधिकृत प्रतिनिधिलाई सदस्य तोकिएको छ।

समितिले दुर्घटनाका कारण खोजी गरी त्यसको न्युनीकरण गर्न मन्त्रालयमा सिफारिस सहितको प्रतिवेदन पेश गर्ने र त्यसैका आधारमा आवश्यक कार्य गरिने बताइएको छ

बिहीबार साँझ दैलेखमा भएको जिप दुर्घटनामा परी ४ जनाको मृत्यु भएको थियो भने ४ जना गम्भीर घाइते भएका थिए।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानको राजधानी नजिकै भएको गोलाबारीमा १२० भन्दा बढीको मृत्यु

सञ्चारमन्त्री गुरुङको स्पष्टोक्ति- रहरले नभइ आवश्यकताले अध्यादेश ल्याइएको हो

‘महाराजधिराज’को घोषणा, दोहोरो भूमिकामा पल