काठमाडौं, १२ फागुन।
सुन्धाराको बागदरबारस्थित निकुद होटलमा युवतीको शव भेटिएको छ। प्रहरीले अनुसन्धानका लागि युवतीका प्रेमिसहित ३ जनालाई पक्राउ गरेको छ।
उदयपुरको कटारी घर भई ललितपुरको हात्तीवन बस्ने २४ वर्षिय शर्मिला राउतको शव सुन्धाराको निकुद होटलमा भेटिएको हो। शनिबार बिहान ३ बजे प्रेमी बिशाल खड्कासहित उनी होटलमा गएकी थिइन्। खड्कालाई प्रहरीले पक्राउ गरेको छ। आफु सुतिरहेको बेला प्रेमिकाले झुन्डिएर आत्महत्या गरेका उनको भनाई छ।
खड्का र राउत दुवै जना रिन्को ओभरसिन नामक मेनपावरका कर्मचारी हुन्। सुक्ष्म रुपमा घटनाको अनुसन्धान अघि बढाइएको महानगरीय प्रहरी जनसेवाका डिएसपी टेकुनन्द लिम्बुले बताए।
बिहान उठ्दा प्रेमिकालाई झुन्डिएको अवस्थामा भेटेपछि डोरी फुकाएर निकालेको खड्काले बताएका छन्। युवतीका आफन्तले उनको हत्या भएको हुनसक्ने आशंका गरेका छन्।
प्रहरीका अनुसार युवकका अन्य २ केटा साथी पनि होटलमा गएका थिए। ती साथीहरु भने ५०१ नम्बर कोठामा सुतेका थिए।
बिहान साढे ९ बजे युवकले नै प्रहरीलाई फोन गरेर बोलाएका थिए। महानगरीय अपराध महाशाखाको टिम र फरेन्सिक चिकित्सक समेत घटनास्थलमा पुगेका छन्।
प्रारम्भिक अनुसन्धानमा युवती र उनका प्रेमि रिन्को ओभरसिज नामक मेनपावर कम्पनीमा काम गर्दै आएको खुलेको छ। खड्का विवाहित व्यक्ति हुन्। प्रेमसम्बन्धको उचारचडावकै कारण घटना भएको हुनसक्ने आशंका गरिएको छ।
खड्का दुई साथीलाई समेत नियन्त्रणा लिएर अनुसन्धान अघि बढाइएको महानगरीय प्रहरी वृत्त जनसेवाका डिएसपी टेकुनन्द लिम्बुले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
