काभ्रे– काभ्रेको साँगासहित नेपाल प्रहरी बिद्यालयमा नयाँ छात्रवास भवन बन्ने भएको छ।
एआईजी माधव जोशीले बिहिबार प्रहरी स्कुलको पुरूष छात्रवास भवनको शिलान्यास गरेका छन्। भवन एक वर्षभित्र निर्माण सम्पन्न हुने प्रहरी स्कुलका कमाण्डेन्ट डिएसपी दिनेश मैनालीले बताए।
२ करोड ७१ लाखको लगानीमा भवन बन्न लागेको हो।
भूकम्पमा भवन भत्किएपछि टहरामा बिद्यार्थीहरु बस्दै आएका थिए। केही दिनमै महिला छात्रावास भवन पनि बनाउन सुरु गरिने डिएसपी मैनालीले बताए।
त्यस्तै बिद्यालयमा नयाँ अत्याधुनिक पुस्तकालय पनि स्थापना भएको छ।
कम्प्युटर ल्याब, श्रव्य दृष्य भवनसहितको अत्याधुनिक पुस्तकालय स्थापना गरिएको हो। पुस्तकालयको एआईजी जोशीले बिहिबार उद्घाटन गरे।
त्यस्तै बिद्यालय परिसरमा दैवीप्रकोप उद्धारसामाग्रीसहितको अर्काे भवन समेत बनेको छन्। सो भवनको पनि एआईजी जोशीले उद्घाटन गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
