काठमाडौं- मुस्फिकर रहिमले ६० रनको पारी खेलेपछि भारतविरुद्धको पहिलो टी-२० क्रिकेटमा बंगलादेशले शानदार जित दर्ता गरेको छ।
३ खेलको टी-२० क्रिकेट शृंखलाअन्तर्गत नयाँ दिल्लीस्थित अरुण जेट्ली रंगशालामा भएको पहिलो खेलमा बंगलादेश ७ विकेटले विजयी भएको हो।
टस जितेर भारतलाई ब्याटिङको निम्तो दिएको बंगलादेशले भारतलाई निर्धारित २० ओभरमा ६ विकेटको क्षतिमा १ सय ४८ रनको सामान्य योगफलमा रोकेको थियो।
भारतका लागि शिखर धवनले ४१, रिसभ पन्तले २७ तथा श्रेयस ऐयरले २२ रनको पारी खेले। बंगलादेशका अमिनुल इश्लाम र शफिउल इश्लामले समान २/२ विकेट हात पारे।
१ सय ४९ रनको लक्ष्य पछ्याएको बंगलादेशले ३ बल अगावै मात्र ३ विकेटको क्षतिमा लक्ष्य भेट्टाएको थियो। बंगलादेशका विकेटकिपर ब्याट्सम्यान रहिमले ४३ बलमा ८ चौका र १ छक्काको मद्दतमा अविजित ६० रन जोडे। सौम्य सरकारले ३९, मोहम्मद नइमले २६ र कप्तान मोहमुदुल्लाहले अविजित १५ रन बनाए।
.jpg)
भारतका दीपक चाहर, युजवेन्द्र चाहल र खालिल अहमदले समान १/१ विकेट लिए पनि बंगलादेशलाई जितका लागि रोक्न सकेनन्।
यो खेल टी-२० क्रिकेट इतिहासको १ हजारौं खेलसमेत हो। यी दुई टोलीबीचको दोस्रो टी-२० राजकोटमा बिहीबार हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1748593223.png)
-1748872907.png)
