सिरहा- धनगढीमाई नगरपालिका-९ मा गएराति पिकअप गाडीको ठक्करबाट मोटरसाइकलमा सवार एक जनाको मृत्यु भएको छ। एक जना गम्भीर घाइते भएका छन्।
राति ९ बजे ना २ च ६२२७ नम्बरको पिकअप गाडीले स ७ प ६४०९ नम्बरको मोटरसाइकललाई ठक्कर दिँदा दुर्घटना भएको हो। मृतक र घाइते दुबै जनाको नाम,थर,वतन खुल्न सकेको छैन।
दुर्घटनामा घाइते भएका मोटरसाइकलमा सवार दुवै जनालाई राम प्रसाद उमा स्मारक अस्पताल लाहान लैजाने क्रममा एक जनाको मृत्यु भएको हो। घाइते अर्को व्यक्तिको सोही अस्पतालमा उपचार भइरहेको छ।
फरार रहेका गाडी चालकको खोजी भइरहेको इलाका प्रहरी कार्यालय धनगढीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
