एजेन्सी– युरोपा लिग अन्तर्गत बिहीबार राति भएको खेलमा आर्सनल र म्यानचेस्टर युनाइटेड विजयी भएका छन्।
म्यानचेस्टर युनाइटेडले पार्टिजान बेलग्रेडलाई १–० र आर्सनलले गुईमाराइसलाई ३–२ गोल अन्तरले पराजित गर्दै विजयी भएका हुन्।
युरोपको दोस्रो ठूलो प्रतियोगिता युरोपा लिगमा चार खेल खेलेको म्यानचेस्टर युनाइटेडको यो पहिलो जित हो। एन्थोनी मार्सलले ४३ औं मिनेटमा पेनाल्टीमार्फत गरेको गोलको मद्दतमा म्यानचेस्टर युनाइटेड विजयी भएको हो।
तीन लेख बराबरी र १ खेल विजेतको म्यानचेस्टर युनाइटेड ७ अंक जोड्दै समूह एलको शीर्ष स्थानमा छ।
त्यस्तै अर्को खेलमा आर्सनलले नाटकीइ नतिजा निकाल्दै गुईमाराइसलाई हराएको छ।दुईपटकसम्म पछाडि परेको आर्सनललाई निकोलास पेपे र मार्टिनेलीले गोल गर्दै विजयी बनाएका थिए।
खेलको ८ औं मिनेटमा इडवार्डले गोल गर्दै गुईमाराइसलाई अग्रता दिलाएका थिए। ३२ औं मिनेटमा गोल गर्दै आर्सनललाई बराबरीमा ल्याएका थिए। आर्सनलले बराबरी बनाएको ४ मिनेटपछि ३२ औं मिनेटमा दुतेर्ते सिल्भाले गोल गर्दै गुईमाराइस्लाई पुन अग्रता दिलाएका थिए।
त्यसपछि सब्सिच्युट खेलाडीको रुपमा ७९ औं मिनेटमा मैदान छिरेका निकोलस पेपेले नाटकीय खेल प्रदर्शन गर्दै आर्सनल विजयी बनाए।
मैदान छिरेको एक मिनेटपछि नै फ्रि– किकमार्फत पेपेले गोल गर्दै आर्सनललाई बराबरीमा ल्याएका थिए। खेलको अतिरिक्त समय ९२ औं मिनेटमा पुन आर्सनलले पाएको फ्रि–किकमा २५ यार्ड टाढाबाट पुन पेपेले नै गोल गर्दै आर्सनललाई विजयी बनाएका थिए। समूह एफको आर्सनल ९ अंकका साथ शीर्ष स्थानमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
