बालुवा डिपोमा प्रहरी छापा : गुण्डा नाइके बाघेसहित डिपो सञ्चालक र चालक पक्राउ 

नेपाल लाइभ | २०७६ कार्तिक १ शुक्रबार | Friday, October 18, 2019 १३:३४:०० मा प्रकाशित

काठमाडौं– बालुवा, गिट्टी ढुवानीमा ठगी गरेको गुनासो आएपछि महानगरीय प्रहरी अपराध महाशाखाको टोलीले डिपोमा छापा हानेर गुण्डा नाइके बाघे भनिने सन्देश लामासहित दजर्नौ डिपो सञ्चालकलाई पक्राउ गरेको छ। 

पक्राउ परेका गुण्डा नाइके बाघे बालुवा डिपो सञ्चालक हुन्। उनीसहित १८ बालुवा डिपोका सञ्चालकलाई पक्राउ गरिएको महाशाखाका एसएसपी सहकुल थापाले जानकारी दिए। त्यस्तै बालुवा ढुवानी गर्ने मिनी ट्रकका चालक पनि पक्राउ गरिएको प्रहरीले जनाएको छ। 

उनीहरुले बढी मूल्य लिएर कम परिमाणमा बालुवा बेच्ने गरेको गुनसो आएपछि प्रहरीले अनुसन्धान सुरु गरेको थियो। सोही क्रममा उनीहरु पक्राउ परेका हुन्। यसबारे दिउँसो साढे २ बजे पत्रकार सम्मेलन गरेर थप जानकारी दिने प्रहरीले जनाएको छ।