इंग्ल्यान्ड- स्टिभ डाभिसले ‘इन्जुरी टाइम’मा गरेको नाटकीय गोलको मदतले एफए कपमा रोचडालेले इंग्लिस टोली टोटनह्याम हट्सपरलाई २–२ को बराबरीमा रोकेको छ। गए राति प्रतियोगिताको पाँचौँ चरणअन्तर्गत भएको खेलमा बराबरीमा रोकिएपछि टोटनह्यामको अन्तिम ८ मा प्रवेश गर्ने सोचमा धक्का लागेको हो।
खेलमा ८८ मिनेटमा पाएको पेनाल्टीमा ह्यारी कानले गोल गरेपछि जित सुनिश्चित ठानेको टोटनह्यामका लागि उक्त खुशी लामो समय टिक्न सकेन। रोचडालेका डाभिसले थपिएको ३ मिनेट समयको अन्तिम मिनेटमा गोल थप्दै खेललाई फरक मोडमा पुर्याइदिए।
यसअघि पहिलो हाफको अन्तिम समयमा ‘काउन्टर एट्याक’ गर्दै रोचडालेका लागि इयान हेन्डरसनले पहिलो गोल गरेका थिए। प्रतियोगितामा हेन्डरसनको यो छैटौँ गोल हो।
पहिलो आफमा निकै कमजोर खेल प्रदर्शन गरेको टोटनह्यामले दोस्रो हाफको सुरुवातबाटै खेलमा फर्किने संकेत गर्यो। गत जनवरीमा मात्रै टोटनह्याममा आवद्ध लुकास मौराले ५९ मिनेटमा गोल गर्दै खेल बराबरीमा ल्याए।
जब ह्यारीसन म्याकगेइलाई डिबक्स एरियाभित्र डेले अलीले लडाएपछि केनले पेनाल्टीमा कुनै पनि गल्ती नगर्दै यो सिजनको गोलसंख्या ३४ पुर्याए।
अब क्वाटरफाइनल प्रवेशका लागि पुनः यी दुवै टोली मैदानमा देखिनेछन्। यी दुबैको खेल आगामि २८ फेब्रुअरीका दिन तोकिएको छ।
यो बराबरीसँगै एफए कपमा रोचडाले पछिल्लो ६ खेलमा लगातार अपराजित छ। सन् १९७६ को जनवरीपछि एफए कपमा रोचडाले यती खेलमा अपराजित रहनु यो नै पहिलो अवसर हो।
यसअघि एफए कपमा लेस्टर सिटी, चेल्सी, म्यान्चेस्टर युनाइटेड, ब्रिघटन एन्ड होभ अल्विअन र साउथह्याम्पटन अन्तिम ८ मा प्रवेश गरिसकेका छन्। सेफिल्ड वेनस्डे र स्वान्सी सिटी, रोचडाले र टोटनह्याम तथा म्यानचेस्टर सिटी र विगनबिचको खेलपछि क्वाटरफाइनल पुग्ने बाँकि ३ टोलीको पनि टुंगो लाग्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775885529.png)
-1764146706.png)
-1775575666.png)
