चितुवाले खाएको ६ वर्षीय बालकको परिवारलाई ५० हजार सहयोग

ब्लग

नेपाल लाइभ आइतबार, फागुन ६, २०७४ २१:२८

दमौली- बुधबार राति चितुवाले खाएका तनहुँको भानु नगरपालिका ३ दोरदोरका ६ वर्षीय बालक विशाल श्रेष्ठको परिवारलाई ५० हजार रुपैयाँ उपलब्ध गराइएको छ।

पीडितको परिवारलाई तत्काललाई किरिया खर्चवापत शनिबार ५० हजार राहत दिइएको सहायक वन अधिकृत बाबुराम उप्रेतीले बताए। जिल्ला वन अधिकृत अम्बिकाप्रसाद पौडेलले पीडितको घरमै पुगेर उक्त रकम दिएका थिए।

जनावरको आक्रमणबाट मानिसको मृत्यु भएमा बढीमा १० लाख रुपैयाँ राहत रकम दिने कानूनी व्यवस्था छ।

चितुवाको बच्चा रहेको ठाउँ वरिपरि बालक हिँडडुल गरेकाले खाएको हुनसक्ने वन कार्यालयका कर्मचारीले बताए।

सो घटना भएलगत्तै काठमाडौंको चिडियाखानाबाट आएको टोलीले दुई दिनसम्म उक्त जंगलमा चितुवालाई नियन्त्रणमा लिन खोजी गरे पनि फेला नपरेपछि त्यसै फर्केको बताइएको छ। (रासस)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नासाले सर्वाधिक तातो वर्षको पुष्टि गर्यो

अधिवक्ता त्रिपाठीमाथि हातपातको घटनामा संलग्न व्यक्त पार्टीको सदस्य भेटिए रास्वपाले कारबाही गर्ने

स्वर्णलक्ष्मी सहकारी प्रकरण: काठमाडौं अदालतले पनि दियो रवि लामिछानेलाई धरौटीमा रिहा गर्ने आदेश