एजेन्सी- रोडबाट करोडमा उक्लिनेहरुको तिलस्मी कथा फिल्महरुमा प्रशस्त देख्न पाइन्छ । तर, वास्तविक दुनियाँमा पनि यस्ता पात्र हुँदा रहेछन्, जो केही वर्षको अन्तरालमा भुइँमान्छेबाट आकाशमा छलाङ मार्न समर्थ हुन्छन् । अमेरिकाका खलील राफति तिनै व्यक्तिमा पर्छन्।
लस एन्जल्सका खलीलले तीन वर्षअघि आफ्नो घरसहित सबै श्रीसम्पत्ति गुमाए । त्यसपछि उनको बास सडकमै हुन थाल्यो।
सन् १९९० मा लस एन्जल्समा आएका उनले सुरुमा कार बेच्ने काम गरेका थिए । समय क्रममा उनी लागूऔषधको दुर्व्यसनमा नराम्ररी फसे । उनलाई हेरोइनको लत लाग्यो । नशाले अन्तत: उनको काममै असर पुर्यायो । उनले व्यवसायमा घाटा बेहोर्नुपर्यो।
२००१ मा आफ्नो घरमा आयोजना गरिएको पार्टीमा खलीलले ड्रग्सको ओभरडोज नै लिए । दुई वर्ष उनले जेलमा गुजारे । जब उनी थुनामुक्त भए, उनको श्रीसम्पत्ति उनलाई ऋण दिनेहरुले असुल उपर गरिसकेको थाहा पाए । जेलबाट बाहिर निस्किएसँगै उनी फुटपाथमा आइसकेका थिए।
खलील ड्रग्सको लतबाट छुटकारा पाउन पुन:स्थापना केन्द्र नै पुग्नुपर्यो । यसै क्रममा एक साथीले उनलाई जूस उत्पादन गर्ने कम्पनीमा जागिर लगाइदिए । त्यहाँ उनले स्मूदी (आइसक्रिम, दही वा दूधको साथमा ताजा फलफूल मिसाएर बनाइएको पेय) बनाउन सिके । नजिकै रहेको अस्पतालमा स्मूदीको निकै माग हुन्थ्यो । उनले बनाएको स्मूदी मानिसहरुले निकै रुचाउन थाले।
समयको एक मोडमा खलीलले आफ्नै व्यवसाय सुरु गर्ने निधो गरे । उनले जूवामा जितेको ३२ लाख रुपैयाँले प्रेमिकासँग मिलेर जूसबार सञ्चालनमा ल्याए । उनले बारको नाम राखे, 'सनलाइफ अर्गानिक्स' । यो बारको अहिलेसम्म ६ वटा चेन लसएन्जल्समा खुलिसकेको छ।
उनले आफ्नो संघर्ष यात्रा आफ्नो किताब 'आई फर्गेट टु डाइ' मा लेखेका छन् । किताबमा उनले आफू कसरी सडकबाट उठेर अहिलेको स्थानसम्म आउन सकेँ भनेर उल्लेख गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766743671.png)
-1766743434.png)
-1766740258.png)
-1764146706.png)
-1766648928.png)
-1763721444.png)
