योजना आयोगका उपाध्यक्ष स्वर्णिम वाग्लेले आज राजीनामा दिँदै

ब्लग

नेपाल लाइभ आइतबार, फागुन ६, २०७४ १४:३३

काठमाडौं– राष्ट्रिय योजना आयोगका उपाध्यक्ष डा स्वर्णिम वाग्लेले पदबाट राजीनामा दिने भएका छन्।

उपाध्यक्ष डा वाग्लेले नयाँ सरकारलाई कार्यसम्पादन गर्न सहज होस् भनेर उपाध्यक्षबाट आज राजीनामा दिन लागेको बताए।

आफ्नो ६ महिने कार्यकालमा आयोगले सञ्चालन गरेका विकास निर्माणका कार्यक्रम तथा नीतिगत विषयबारे जानकारी दिन आयोजना गरेको कार्यक्रममा उनले प्रधानमन्त्रीलाई आजै भेटेर पदबाट राजीनामा दिने बताए।

वाग्लेले योजना आयोगका पुनःसंरचना नीतिगत तथा योजना निर्माण एवं कार्यान्वयन, दिगो विकास, आर्थिक सुधार, संघीयतामा आयोगको भूमिका, देशभर विविध विषयमा तथ्यांक संकलन, भुइँचालो जस्ता दैवी विपत्तिको प्रभाव मूल्यांकन, केन्द्रीय तथ्यांक विभागको स्तरोन्नति, राष्ट्रिय गौरवका आयोजनाको शीघ्र कार्यान्वयन लगायत विषयमा आयोगले ६ महिनामा उल्लेखनीय काम गरेको बताए।

नेपालको विकासको भावी कार्ययोजना, राष्ट्रिय विकास स्वयंसेवा, दशवर्षीय विकासको मार्ग्चित्र, आर्थिक, सामाजिक एवं वातावरणीय उन्नयन, आर्थिक गणना, तथ्यांकमा आधारित नीति तर्जुमा, आधुनिक ऊर्जाको उपयोग जस्ता विषयमा आयोगले तयार पारेका योजनालाई सरकारी अभिलेखमा समावेश गरिएको जानकारी पनि उनले दिए।

सोही कार्यक्रममा उपाध्यक्ष वाग्लेले आयोगको प्रकाशन ‘१४ वर्षे दिगो विकास लक्ष्य’ सार्वजनिक गरे।

शेरबहादुर देउवाको कार्यकालमा ६ महिनाअघि उनलाई योजना आयोगको उपाध्यक्षमा नियुक्त गरिएको थियो। वाग्लेले सरकार परिवर्तन भएसँगै राजीनामा बुझाउन लागेका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज

६० लाख धरौटी बुझाएर रिहा भएपछि रविले भने- यो देशमा न्याय मरेको छैन