रुकुम पूर्वको आकाशमा पहिलो पटक प्याराग्लाइडिङ

ब्लग

नेपाल लाइभ आइतबार, फागुन ६, २०७४ ०५:५३

रुकुम – रुकुम पूर्वको आकाशमा पहिलो पटक प्याराग्लाइडिङ उडाइएको छ । परीक्षणका लागि जिल्लाको सिस्ने गाउँपालिका–६ रुकुमकोटमा प्याराग्लाइडिङ उडाइएको हो। पर्यटन प्रवद्र्धन वातावरण संरक्षण केन्द्र, रुकुमको आयोजनामा प्याराग्लाइडिङ परीक्षण शुरु भएको हो।

यसभन्दा पहिले सिङ्गो रुकुम एक हुँदा रुकुम पश्चिमको मुसिकोटबाट प्याराग्लाइडिङमा रुकुमकोट पुगिए पनि नयाँ जिल्ला भएपछि पहिलो पटक प्याराग्लाइडिङ उडानको परीक्षण भएको सिस्ने गाउँपालिका अध्यक्ष कुमारी बरालले बताइन्।

प्याराग्लाइडर सञ्चालनको सम्भाव्यता अध्ययन गरी जिल्लामा साहसिक पर्यटनको प्रवद्र्धन गर्ने र प्याराग्लाइडिङमा व्यावसायिकता शुरु गर्ने प्रमुख लक्ष्यका साथ शुरु भएको हो । प्याराग्लाइडिङले यहाँ आन्तरिक तथा बाह्य पर्यटनको विकास हुने र जिल्लाको आर्थिक विकास हुने पर्यटन प्रवद्र्धन वातावरण संरक्षण केन्द्र, रुकुमका अध्यक्ष चन्द्रबहादुर केसीले बताए।

प्याराग्लाइडिङले जिल्लाको समग्र पर्यटन विकासमा ठूलो टेवा पुग्नाका साथै ५२ पोखरी ५३ टाकुरीको नामले प्रख्यात रुकुम जिल्लालाई राष्ट्रिय तथा अन्तर्राष्ट्रियस्तरमा चिनाउन थप मद्धत पुग्ने यहाँका स्थानीयवासीको भनाइ छ।

स्विट्जरल्याण्डका नागरिक डेनेल मायरले पहिलो पटक जिल्लामा प्याराग्लाइडिङ उडाए। यहाँ प्याराग्लाइडिङका लागि सम्भावना राम्रो पाइएको उनले बताए।

जिल्लाको सिस्ने गाउँपालिकाको धुरिलेखबाट उडान गरिएको प्याराग्लाइडिङ रुकुमकोटमा ल्याण्डिङको अवस्था राम्रो भए पनि अवतरणका लागि सधैँ प्रयोग गर्ने ठाउँको स्थापना गर्नुपर्ने स्विट्जरल्याण्डका नागरिक मायरको भनाइ छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

घट्यो पेट्रोलियम पदार्थको मूल्य, कुनमा कति ?

एकैपटक देशभर किन भयो विद्युत् अवरुद्ध?

रेशम चौधरी पक्राउ प्रकरण : विष्टलाई थप दुई दिन हिरासतमा राख्न अनुमति