काठमाडौं– बालुवाटार क्रिकेट क्लबले खुकुरी च्यालेन्जर टी–२० क्रिकेट प्रतियोगिताको उपाधि जितेको छ। बालुवाटारले शनिबार भएको उपाधि भिडन्तमा काठमाडौं क्रिकेट ट्रेनिङ सेन्टरलाई ८ रनले पराजित गरेको हो।
टस जितेर पहिले ब्याटिङ गरेको बालुवाटारले २० ओभरमा ९ विकेट गुमाएर १ सय ५१ रन जोड्यो। बालुवाटारका लागि ओपनर प्रनित थापा मगरले २७ रन, पृथु बाँस्कोटाले २५ रन, अमरसिंह रटेउलाले ३३ रन र सोनु तामाङले २३ रन जोडे।
बलिङतर्फ काठमाडौंका नन्दन यादवले २ विकेट लिए।
काठमाडौंले २० ओभरमा ६ विकेटको क्षतिमा १ सय ४३ रन मात्र जोड्न सक्यो। काठमाडौंका लागि अदिल खानले ३२ रन, सुमित महर्जनले १९, दुर्गेश थापाले २१ रन र विवेक राना मगरले १७ रन जोडेपनि जितका लागि पर्याप्त हुन सकेन।
बलिङतर्फ बालुवाटारका अभिनास बस्यालले ३ विकेट लिए।
उपाधिसँगै बालुवाटारले ३ लाख रुपैयाँ र उपविजेता काठमाडौंले १ लाख रुपैयाँ पुरस्कार पाए। बालुवाटारका क्षितिज सिंह म्यान अफ दि सिरिज हुँदै २० हजार रुपैयाँ जित्न सफल भए। टिकापुर क्रिकेट क्लबका रविन्द्रजंग शाही उत्कृष्ट ब्याट्सम्यान, आर्मी क्लबका अभिनास बोहरा उत्कृष्ट बलर र जिएचसिएका सागर ढकाल इमर्जिङ प्लेयर भए। तीनै जनाले जनहि १०–१० हजार रुपैयाँ हात पारे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
