काठमाडौं– आइसिसी विश्व क्रिकेट लिग डिभिजन–२ अन्तर्गत निर्णायक खेलमा नेपालले प्रतियोगितामा हालसम्मकै उच्च लक्ष्य पाएको छ।
क्यानडाले नेपाललाई १ सय ९५ रनको लक्ष्य दिएको छ। नेपालले १९ एक्ट्रा रन दिंदा क्यानाडाले सम्मानजनक स्कोर बनाएको हो। नेपालले १३ वाइड दिएको थियो।
करण केसीले ४, सोमपाल कामी र शरद भेषवाकरले ३÷३, पारसले २ तथा बसन्त रेग्मीले १ वाइड दिएका थिए। सोमपाल कामीले पहिलो ओभरमै नो बलमा समेत दिएका थिए।
नामिबियाको वन्डरर्स मैदानमा भएको ेखलमा नेपालले टस जितेर पहिले फिल्डिङ गर्ने निर्णय गरेपछि ब्याटिङ गरेको क्यानडाले ५० ओभर ८ विकेट गुमाउँदै १ सय ९४ रन जोडेको हो।
क्यानडाका लागि ओपनर श्रीमन्था विजयरत्नेले शतक बनाए। उनले नटआउट १ सय ३ रनको योगदान दिए। उनले १ सय ५२ बलमा ८ चौका प्रहार गरे।
बलिङतर्फ नेपालका लागि बसन्त रेग्मीले ३ विकेट लिए। बसन्तले १० ओभरमा ३४ रन खर्चिए। यस्तै, सन्दीप लामिछाने २ विकेट हात पारे। करण केसी र शरद भेषावरले १÷१ विकेट आफ्नो नाममा लेखाए।
१० ओभरसम्म कुनै सफलता हात नपारेको नेपालले ११ ओभरमा पहिलो सफलता हात पारेको थियो। नेपालका लागि बसन्त रेग्मीले पहिलो विकेट दिलाएका थिए। उनले आफ्नो स्पेलको दोस्रो बलमै रभिन्दु गुणकेसरालाई ९ रनमा रोहितकुमार पौडेलबाट क्याच गराए। गुणकेसरा आउट भएसँगै क्यानडाको ४६ रनको ओपनिङ साझेदारी तोडिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
