नयाँदिल्ली– छोरीको विवाहअघि भएको जमघटमा रमाइलोका लागि हवाइ फायर गर्दा भारतमा एक महिलाको मृत्यु भएको छ।
उत्तर भारतको पञ्जावस्थित होसियारपुरका अशोक खोस्लाले आफ्नी छोरीको बिहेअघिको पारिवारिक जमघटमा शनिबार हवाइ फायर गर्दा छिमेकी शाक्षी अरोरालाई गोली लागेको थियो। गोली लागेकी २२ वर्षिय अरोराको घटनास्थलमै मृत्यु भएको प्रहरीले जनाएको छ।
होसियारपुर प्रहरीले गोली चलाउने दुलहीका बुवा अशोक खोस्लालाई गिरफ्तार गरेको छ। प्रहरीले उनका साथी अशोक सेठीलाई समेत गोली चलाएको आरोपमा पक्राउ गरेको छ।
‘हवाइ फायर गर्ने व्यक्ति पेशेवर सुटर थिएनन्। तर उनीहरुले हवाइ फायर गर्दा गोली जसलाई पनि लाग्नसक्छ भन्ने बुझ्नुपथ्र्यो।’, पञ्जावका प्रहरी प्रवक्ताले भने।
भारतका पञ्जाव, उत्तर प्रदेश लगायतका राज्यहरुमा विवाहमा खुशीयाली साट्न फायरिङ गर्दा मृत्यु भएको यो पहिलो घटना भने होइन। यस्ता घटनाहरुमा वर्षेनी कती मानिस मारिन्छन् तथा घाइते हुन्छन् भन्ने तथ्यांक यकिन छैन।
पञ्चावमै सन् २०१६ को नोभेम्बरमा विवाहमा नाचिरहेका बेला एक महिलाले गोली चलाउँदा १ पाहुनाको मृत्यु हुनाका साथै अन्य ३ जना गम्भिर घाइते भएका थिए।
त्यस्तै त्यस घटनाको एक महिनापछि नै एक मद्यपान गरेका व्यक्तिले गोली चलाउँदा विवाह भोजमा नाचिरहेकी एक २५ वर्षिय युवतीको मृत्यु भएको थियो।
सन् २०१७ को नोभेम्बरमा त्यस्तै प्रकृतिको घटना दोहोरिदा एक ८ वर्षिय बालकले ज्यान गुमाएका थिए।
विवाहमा हवाइ फायर गर्ने चलनलाई पुरुषत्व तथा आफ्नो सामाजिक र आर्थिक हैसियत देखाउनका लागि प्रयोगमा ल्याइने बताइन्छ। यो परम्परा भारतका अलावा अफगानिस्तान र मध्यपूर्वका देशहरुमा प्रचलनमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
