जाकार्ता- इन्डोनेसियाको पश्चिमी जाभा प्रान्तमा शनिबार भएको सडक दुर्घटनामा परी कम्तीमा २७ जनाको मृत्यु भएको छ। दुर्घटनामा अन्य १८ गम्भीर घाइते भएका छन्।
यात्रुबाहक बसले मोटरसाइकललाई ठक्कर दिएपछि दुर्घटना भएको प्रहरीले आइतबार बिहान जानकारी दिएको छ।
सुबाङ जिल्लाको सिसेनाङ भन्ने ठाँउमा दुर्घटना भएको बताइएको छ। बसले मोटरसाइकललाई ठक्कर दिएपछि यात्रु बाहक सो बस पहाडमा गएर ठोक्किएको थियो।
दुर्घटनामा परेको बसमा ४५ जना यात्रु सवार रहेका थिए। प्रहरीकाअनुसार घटनाका बारेमा थप अनुसन्धान जारी रहेको छ।
दुर्घटनाका घाइतेहरुलाई ‘सुबाङ जनरल अस्पताल’को सघन उपचार कक्ष(आइसियु)मा राखेर उपचार गरिएको छ। घाइतेहरुमध्ये अधिकांशको शरीरका विभिन्न ठाँउको हड्डी भाँचिएको र टाउकोमा चोट लागेको उपचारमा संलग्न चिकित्सकहरुले जानकारी दिएका छन्।
घाइतेमध्ये धेरैको अवस्था गम्भीर भएकाले मृतकको संख्या बढ्न सक्ने पनि प्रहरीको अनुमान रहेको छ। रासस/सिन्ह्वा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
