प्रदेश ३ को मुख्यमन्त्री डोरमणि पक्का, एमाले संसदीय दलको नेतामा अष्टलक्ष्मी पराजित

नेपाल लाइभ

नेपाल लाइभ शुक्रबार, माघ २६, २०७४ १२:५३

काठमाडौं- एमालेबाट प्रदेश ३ को मुख्यमन्त्रीमा डोरमणि पौडेल बन्ने पक्का भएको छ। शुक्रबार बिहान भएको निर्वाचनमा पौडेलले प्रतिद्वन्द्वी अष्टलक्ष्मी शाक्यलाई हराउँदै प्रदेश ३ को मुख्यमन्त्री बन्ने बाटो खोलेका हुन्। संसदीय दलको नेता बन्न पौडेलले ३४ मत ल्याउँदा शाक्यले २४ मत प्राप्त गरिन्।

दलको नेता नै मुख्यमन्त्री बन्ने भएकाले प्रदेश ३ को सरकारको नेतृत्व पौडेलले गर्नेछन्।

पौडेल एमालेभित्र संस्थापन पक्षका नेता हुन्। ओली निकट पौडेलले अन्तिम समयमा आएर दलको नेतामा उम्मेदवारी दिएका थिए।

प्रदेश ३ मा नेता माधव नेपाल पक्षको बहुमत भए पनि आन्तरिक समीकरणमा ओली पक्षले बाजी मार्दा पौडेलले मुख्यमन्त्री पद सुनिश्चित गरेका हुन्।

प्रदेश ३ को सभामुखको निर्वाचन भोलि हुँदैछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना