महेन्द्रनगर- संघीय समाजवादी फोरम नेपालले संसदीय दलका नेता निर्वाचनको माध्यमबाट चयन गर्ने भएको छ।
आइतबार हुने प्रदेश नं २ प्रदेशसभाको पहिलो बैठक सन्दर्भमा बसेको फोरमको प्रदेशसभा सदस्यको बैठकले संसदीय दलका नेता प्रक्रियागत रूपमा निर्वाचनको माध्यमबाट चयन गर्ने निर्णय गरिएको छ।
निर्वाचन सम्पन्न गराउन पार्टीका तराई मधेश समितिका अध्यक्ष रेणु यादवको अध्यक्षतामा निर्वाचन समिति गठन गरिएको छ । सदस्यहरूमा प्रदेश समितिका मुख्यसचिव शम्भु झा, सचिव शेषनारायण यादव छन्। निर्वाचन समितिले आफैँ कार्य्विधि तयार पारी निर्वाचनसम्बन्धी सम्पूर्ण कार्य सम्पन्न गर्ने बताइएको छ।
त्यसैगरी बैठकबाट भोलि हुने पहिलो प्रदेशसभा बैठकका लागि प्रदेशसभाका विभिन्न समितिसमेत सदस्यहरू चयन गरेको छ ।
बैठकबाट प्रदेशसभा अध्यक्ष मण्डलमा सञ्चमाया मोक्तान, कार्यव्यवस्था तथा परामर्श समिति सदस्यमा ज्ञानेन्द्रकुमार यादव, योगेन्द्रराय यादव र नियमावली मस्यौदा समितिमा सरोज सिंहलाई चयन गरिएको छ।
त्यसैगरी बैठकबाट दलको नियमावलीका लागि रामआशिष यादवको संयोजकत्वमा तीन सदस्यीय नियमावली मस्यौदा समिति गठन गरिएको छ । सो समितिको सदस्यमा सञ्जय यादव र पारस साह सदस्य रहनुभएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
