काठमाडौं- काठमाडौंको सिनामंगलमा एक टिपरले ३ वटा बाइकलाई ठक्कर दिएर भएको दुर्घटनामा १ जनाको मृत्यु भएको छ भने अन्य ४ जना घाइते भएका छन्।
नम्बर खुल्न नसकेको टिपरले नम्बर खुल्न नसकेको एक भिआर मोटर साइकलका साथै बा ८५ प ५६९ र ज ४३ प ९७५३ नम्बरको मोटरसाइकललाइ ठक्कर दिँदा दुर्घटना भएको हो।
भिआर बाइकको नम्बर प्लेट नै कुच्चिएकाले नम्बर खुल्न नसकेको हो।
ठक्कर दिने टिपर भने भागेको घटनास्थल पुगेका हाम्रा संवाददाताले मधुसुधन ढकालले जानकारी दिएका छन्।
आइतबार साँझ भएको दुर्घटनामा परी मृत्यु तथा घाइते भएका कसैको पनि नाम खुल्न नसकेको प्रहरीले जानकारी दिएको छ।
घाइतेहरुलाई उपचारका लागि अस्पताल पठाइएको प्रहरीले जनाएको छ। मृतकको शव भने घटनास्थलमा नै छ।
घटनाको थप विवरण आउन बाँकी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
