काठमाडौैं– दरबारमार्गमा भएको भनिएको सामूहिक बलत्कार र अभियुक्तलाई प्रहरीद्वारा उन्मुक्ति घटनाको राष्ट्रिय मानवअधिकार आयोगले छानबिन सुरु गरेको छ।
आयोगले बुधबार विज्ञप्तिमा काठमाडौँ ल्याण्डमार्क होटलमा भएको सामूहिक बलात्कार भनिएको घटनाको सम्बन्धमा आयोगले आजै एक अनुसन्धान टोली गठन गरी काम शुरु गरेको जनाएको छ।
आयोगले यौनजन्य हिंसा तथा बलात्कारका घटनासँग सम्बन्धित उजुरीको दर्ता, छानबिन तथा तथ्य संकलन कार्यलाई प्रभावकारी बनाइ नागरिकलाई न्यायमा पहुँच पु¥याउन नेपाल प्रहरीलाई आग्रह गरेको छ।
यौनजन्य हिंसा तथा बलात्कारका घटनाको उजुरी दर्ता, छानबिन र तथ्य संकलनमा नेपाल प्रहरी गम्भीर र संवेदनशील नहँुदा पीडित न्यायबाट वञ्चित भएकोप्रति ध्यानाकर्षण भएको उल्लेख छ।
गत बिहिबार दरबारमार्गको ल्याण्डमार्क होटलमा एक युवतीलाई चार युवकले सामूहिक बलत्कार गरेका थिए। उजुरी गर्न जाँदा प्रहरीले मिलापत्र गराएको भन्ने सूचनाका आधारमा प्रहरीले आन्तरीक छानबिन गरिरहेको छ। दरबारमार्ग वृत्तका डिएसपी तिलक भारतीलाई सरुवा गरिएको छ भने इन्सपेक्टर लक्ष्मणसिंह ठकुरीलाई निलम्बनको तयारी भइरहेको छ। बलात्कारमा परेकी भनिएकी युवती बेपत्ता छिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
