काबुल, अफगानिस्तानको काबुलस्थित एक सैनिक विद्यालयमा भारी गोलाबारी र विस्फोटको आवाज सुनिएको छ। मार्सल फहिम राष्ट्रिय प्रतिरक्षा विश्वविद्यालय आज बिहानैदेखि आक्रमणको निसानामा परेको बिबिसीले लेखेको छ।
काबुलमा गराइएको आत्मघाती एम्बुलेन्स बिस्फोटको ठिक १ दिन पछि सैनिक विश्वविद्यालयमा आक्रमण गरिएको हो। शनिबार भएको एम्बुलेन्स बिस्फोटमा परि कम्तिमा १ सय जनाको मृत्युको भएको थियो।
इस्लामिक अतिवादी संगठन आइएस र तालिवानले केहि दिन यता काबुललाई आफ्नो निसानामा पार्दै आएका छन्।
स्थानीय समयअनुसार बिहान ५ बजे सुरु भएको सो भिडन्तमा केहि विस्फोट तथा भारी मात्रामा गोली चलेको आवाज सुनिएको छ। विश्वविद्यालय अवस्थित इलाकाका सबै सडकहरु यतीबेला अफगान सुरक्षाफौजले बन्द गरिदिएको छ।
आक्रमण अझै जारी रहेकोले क्षतिको विवरण नआइसकेको अन्तर्राष्ट्रिय समाचार संस्थाहरुले जनाएका छन्।
लगातारको आक्रमणपछि काबुलमा सुरक्षा चुनौती थपिएको छ। यसअघि गतवर्षको अक्टोबरमा काबुलको पश्चिम क्षेत्रमा रहेको मार्सल फहिम सैनिक विद्यालयलाई लक्षित गरि गराइएको विस्फोटमा १५ सुरक्षाकर्मी मारिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
