काठमाडौं- सर्वोच्च अदालतले अभिनेत्री शिल्पा पोखरेललाई तत्काल पक्रान नर्गन अल्पकालीन अन्तरिम आदेश जारी प्रधानन्यायाधीश चोलेन्द्रशमशेर जबराको एकल इजलासले आइतबार यस्तो आदेश गरेको हो।
उच्च अदालत र जिल्ला अदालतले पक्राउ गरेर कारबाही अघि बढाउन गरेको आदेशको विरुद्धमा शिल्पाले दायर गरेको रिटमा सुनुवाइ गर्दै एकल इजलासले यस्तो आदेश गरेको हो।
सर्वोच्चको यो आदेशले शिल्पालाई राहत भएको छ। जिल्ला अदालतमा मुद्दा दायर भएदेखि फरार रहेकी उनलाई अब सार्वजनिक हुने बाटो खुलेको छ। सर्वोच्चले भदौ १५ गतेसम्मका लागि अल्पकालीन अन्तरिम आदेश जारी गरेको छ।
सोही दिन अदालतमा उपस्थित हुन शिल्पालाई भनिएकोे छ। शिल्पा सहित अन्य पक्षलाई पनि सोही दिन अदालत उपस्थित हुन सर्वोच्चले भनेको छ।
शिल्पा भने सर्वोच्चमा उपस्थित थिइनन्। शिल्पाले आफ्नो बारेस मार्फत साउन २९ गते सर्वोच्चमा रिट दायर गरेकी थिइन्।
जिल्ला, उच्च हुँदै उक्त विवाद सर्वोच्च अदालत पुगेको थियो।
जिल्ला अदालत काठमाडौंले बहु-विवाहमा मुद्दा दायर भएपछि छवि र शिल्पा दुवैलाई पक्राउ पुर्जी जारी गरेको थियो। जिल्ला अदालतले पक्राउ पुर्जी जारी भएपछि फरार रहेका उनीहरू हालसम्म फेला परेका छैनन्।
आफूविरुद्ध जिल्ला अदालतबाट पक्राउ पुर्जी जारी भएपछि सर्वप्रथम अभिनेत्री पोखरेल उच्च अदालत पाटनमा निषेधाज्ञा मुद्दा लिएर पुगेकी थिइन्। उच्च अदालतमा उनले आफू विरुद्ध जारी भएको पक्राउ पुर्जी खारेज हुनुपर्ने जिकिर गरेकी थिइन्।
शिल्पाको उक्त निवेदनमा साउन २४ गते भएको सुनुवाइ गर्दै उच्च अदालतले जिल्ला अदालत काठमाडौंले दिएको आदेश रोक्न आदेश दिन अस्वीकार गरेको थियो। उच्च अदालतले जिल्लाकै निर्णय सदर गरेपछि शिल्पा पक्ष सर्वोच्च पुगेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
