किभ- किभको पुनरावेदन अदालतले जर्जियाका पूर्व राष्ट्रपति मिखाइल शाकासभिलीलाई रातिको समयमा नजरबन्दमा राख्न शुक्रबार आदेश दिएको छ। अदालतले विज्ञप्ति जारी गरी सो जानकारी दिएको हो।
अदालतका अनुसार शाकासभिली बव हरेक रात १० बजेदेखि बिहान ७ बजेसम्म घरमै रहनु पर्नेछ।
शाकासभिली युक्रेनी राजनीतिक पार्टीका नयाँ नेता हुन्। स्थानीय सञ्चार माध्यमहरुले उनलाई देश बाहिर र टेलिभिजनका कार्यक्रमहरुमा जान नदिनका लागि नजरबन्दको आदेश दिएको बताएका छन्।
अघिल्लो महिना युक्रेनको प्रहरीले पनि उनलाई पक्राउ गरेर केही समयपछि छाडिदिएको थियो। उनलाई प्रहरीले आतङ्कवादी समूहसँग आबद्ध भएको र आतङ्कवादी गतिविधि गर्न सघाएको अभियोग लगाएको थियो।
पचास वर्षीय शाकासभिली सन् २००४ देखि २०१३ सम्म गरेर दुई कार्यकालसम्म लगातार जर्जियाको राष्ट्रपति भएका थिए।
उनले सन् २०१५ को मेमा युक्रेनको नागरिकता लिएको बताइएको छ।
गत वर्ष युक्रेनका राष्ट्रपति पेट्रो पोरोशेन्कोले शाकासभिलीको नागरिकता खारेज गरिदिएका थिए। रासस/सिन्ह्वा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
