काठमाडौंका ट्राफिक जाम हुने स्थानमा ‘ओभरहेड ब्रिज’ : मन्त्री महासेठ

नेपाल लाइभ | २०७६ श्रावण २७ सोमबार | Monday, August 12, 2019 १९:५२:०० मा प्रकाशित

काठमाडौं- भौतिक पूर्वाधार तथा यातायातमन्त्री रघुवीर महासेठले काठमाडौंको ट्राफिक जाम हुने मुख्य–मुख्य स्थानमा ‘ओभरहेड ब्रिज’निर्माण गर्ने घोषणा गरेका छन्। 

काठमाडौंको कोटेश्वर, गौशाला, नयाँ बानेश्वर, चाबहिल, थापाथली र कालिमाटी चोकमा ओभरहेड ब्रिज निर्माण गर्ने मन्त्री महासेठले घोषणा गरेका हुन्। 'यसका आवश्यक डिजाईनको काम सुरु भईसकेको छ,' मन्त्री महासेठको भनाई छ। 

सोमबार काठमाडौंमा आयोजित साक्षात्कार कार्यक्रममा बोल्दै मन्त्री महासेठले चालू आर्थिक वर्षभित्र काठमाडौंको सडकमा स्मार्ट लाईट व्यवस्थापन गर्ने योजना पनि अघि सारेका थिए। 

त्यसका लागि सरकारले आवश्यक बजेटको समेत व्यवस्था गरिसकेको पनि उनले बताए। सरकारले काठमाडौंलाई एक वर्ष भित्र सुन्दर सहरको रुपमा विकास हुने गरी पूर्वाधार निर्माणको कामलाई सम्पन्न गर्ने लक्ष्य बनाएको दावी मन्त्री महासेठको थियो।