काठमाडौं- 'नाडा अटो शो २०१९'मा चिनियाँ सवारी उत्पादक ब्रान्ड 'दिगो–दाय' पहिलोपटक प्रदर्शनी (इन्ट्रिलेवल) हुने भएको छ। अटो शोमा नयाँ ब्रान्डका रुपमा दिगो–दाय इलेक्ट्रिक ब्रान्ड प्रवेश हुन लागेको हो।
दिगो-दाय ब्रान्ड गत बैसाखमा नेपाली बजारमा भित्रिएको थियो। नेपालका लागि दियो-दाय ब्राण्डको आधिकारिक बिक्रेता दिगो ग्रुपअन्तर्गतको फ्युचर ड्रिम इनर्जी प्रालि हो। उक्त कम्पनीका दिगो-दाय ३५०, ३५० एल, दिगो इएम-३, दियो ई-८ मोडलका इलेक्ट्रिक कार नाडामा प्रदर्शनी गरिनेछ।
दियो दाय-३५०, ३५० एल र दियो ई-८ को बजार मूल्य १४ लाख ९० हजारदेखि २० लाख रुपैयाँसम्म पर्ने फ्युचर ड्रिम इनर्जीका मार्केटिङ डाइरेक्टर नवराज पौडेलले बताए।
दिगो इएम-३ हाई स्पिड कार हो। यसको नेपाली बजार मूल्य करिब ३० लाख रुपैयाँ पर्ने कम्पनीले जनाएको छ। इलेक्ट्रिक सवारीको प्रयोग बढ्दै गएको र नेपालीहरुका लागि उपयुक्त मूल्यमा खरिदका लागि दिगो-दायका इलेक्ट्रिक कार नेपाल भित्रिएको पौडेलको भनाइ छ।
लिड एसिड ब्याट्री र लिथियम आयन ब्याट्रीका साथ आएको यी कारहरुले एक पटकको फुल चार्जमा १ सयदेखि १ सय ५० किलोमिटरसम्म माइलेज प्रदान गर्ने कम्पनीले जनाएको छ। यस कारको अधिकतम गति ६० किलोमिटर प्रतिघन्टा रहेको छ। त्यस्तै दिगो इएम-३ भने यसभन्दा बढी स्पिडमा समेत कुद्न सक्छ।
यसमा उपलब्ध ब्याट्रीहरु चार्ज गर्न ४ देखि १० घन्टासम्म लाग्ने कम्पनीले जनाएको छ। जसमा लिड एसिड ब्याट्रीलाई घरमा सामान्य एसी चार्जरबाट चार्ज गर्दा ८ देखि १० घन्टा लाग्नेछ भने, लिथियम आयन ब्याट्री ४ देखि ५ घन्टामा फुल चार्ज हुन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786801196.jpg)
-1786602170.png)
