काठमाडौं– सशस्त्र प्रहरीमा यसवर्षको उत्कृष्ट गण रनिङ्ग अवार्ड प्राप्त सशस्त्र प्रहरी बल नेपाल दक्षिणकाली गणका गणपति सशस्त्र प्रहरी उपरीक्षक श्यामकाजी कुवँरले पाएका छन्।
त्यस्तै उत्कृष्ट सीमा सुरक्षा कार्यालय रनिङ्ग अवार्ड सीमा सुरक्षा कार्यालय सुनसरीका प्रमुख सशस्त्र प्रहरी उपरीक्षक ऋषीदेव कार्कीलाई प्रदान गरिएको छ।
सशस्त्र प्रहरी दिवसको उपलक्ष्यमा एसपी कुँवर र डिएसपी कार्कीलाई प्रधानमन्त्री शेर बहादुर देउवाले पुरस्कार वितरण गरेका छन्।
त्यस्तै अवकाशप्राप्त सशस्त्र प्रहरी अतिरिक्त महानिरीक्षक रविराज थापालाई ‘लाइफ टाइम अचिभमेन्ट अवार्ड’बाट गरिएको छ।
सशस्त्र प्रहरी दिवसको उपलक्ष्यमा आयोजित कार्यक्रममा सहभागी हुँद प्रधानमन्त्री देउवाल सशस्त्र प्रहरी बल नेपालले स्थापना कालदेखि नै मुलुकमा शान्ति सुरक्षा कायम गर्ने कार्यमा उल्लेखनीय भूमिका निर्वाह गर्दै आएको चर्चा गर्नुहुँदै सशस्त्र प्रहरी बल नेपाली जनताको मन मस्तिष्कमा बसिसकेको बताए।
सशस्त्र प्रहरी बलले सीमा सुरक्षा, विशिष्ट व्यक्ति तथा महत्वपूर्ण प्रतिष्ठानहरुको सुुरक्षा, विपद व्यवस्थापन लगायत राष्ट्रिय तथा अन्तर्राष्ट्रिय क्षेत्रमा शान्ति सुरक्षार्थ परिचालन देखि हालै सम्पन्न विभिन्न चरणका निर्वाचनमा महत्वपूर्ण योगदान पु¥याएको उल्लेख गर्दै देउवाले भविष्यका सम्भावित सुरक्षा चुनौतीहरुलाई सामना गर्न निर्देशन दिएका छन्।
प्रधानमन्त्री देउवाले सशस्त्र प्रहरी बल नेपाललाई आन्तरिक सुरक्षाको सशक्त अंगको रुपमा विस्तार गर्दै लगिने बताउदै फौजी मूल्यमान्यता र सेवा विशिष्टकरणको अवधारणा बमोजिम अगाडी बढिरहेको संगठनका सम्पूर्ण राष्ट्रसेवक सशस्त्र प्रहरी कर्मचारीहरु आउदो दिनमा देश र जनताको सुरक्षार्थ अझै उच्च मनोवलकासाथ लाग्नुपर्ने बताए।
पूर्वआईजिपीहरु सम्मानित
सशस्त्र प्रहरी दिवसको अवसरमा अवकाशप्राप्त सशस्त्र प्रहरी महानिरीक्षक दुर्ज कुमार राई, अवकाश प्राप्त सशस्त्र प्रहरी अतिरिक्त महानिरीक्षक डा. कृष्णकुमार तामाङ, अवकाश प्राप्त सशस्त्र प्रहरी नायव महानिरीक्षकद्वय दिवाकर के.सी. र नरेन्द्र कुमार सिंह लगायत अवकाश प्राप्त अधिकृतहरुलाई दोसल्ला र ताम्रपत्रसहित स–सम्मान विदाई गरिएको छ।
सशस्त्र प्रहरी महानिरीक्षक श्रेष्ठले त्यसवअवसरमा बीरगति प्राप्त सशस्त्र प्रहरी कर्मचारीका १७ जना परिवारलाई कदरपत्र तथा सशस्त्र प्रहरी बल नेपालमा वर्षभरी उत्कृष्ट कार्य गर्ने ११ जना राष्ट्रसेवक सशस्त्र प्रहरी कर्मचारीहरुलाई प्रशंसापत्र प्रदान गर्नुका साथै विभिन्न समयमा नेपाल सरकारबाट विभिन्न विभूषण द्वारा विभूषित ३० जना एपीएफ अधिकृत तथा जवानहरुलाई उक्त विभूषणद्वारा शुशोभित गरिएको थियो।
सशस्त्र प्रहरी महानिरीक्षक सिंह बहादुर श्रेष्ठले यस वर्ष ‘वर्ष जवान २०७४’ हुन सफल सशस्त्र प्रहरी बल नेपाल विपद व्यवस्थापन तालिम केन्द्र कुरिनटारमा कार्यरत सशस्त्र प्रहरी जवान डिल्ली भट्टराईलाई ‘वर्ष जवान’ ट्याग प्रदान गर्नुका साथै नगद १० हजार रुपैयाँसहित पुरस्कार दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769224076.png)
-1764146706.png)
