काठमाडौं– राजधानीस्थित भृकुटीमण्डपमा बिहीबारदेखि ‘तीज महोत्सव–सिर्जनशिल उद्यमी मेला’ जारी छ। हरेक वर्ष महिलाहरुको विशेष पर्व तीजको अवसरमा आयोजना हुँदै आएको यो मेलामा यसपालि दुई सयभन्दा बढी महिला उद्यमीका स्टल राखिएका छन्।
मेलामा महिला उद्यमीहरुले आफ्नै घर तथा कारखानामा बनाएका मौलिक उत्पादनहरु मेलामा प्रदर्शनका लागि राखेका छन्। ‘हामी हरेक वर्ष यो मेला उत्पादन र सेवाको व्यवसायीकरण गर्ने मात्र नभई महिला उद्यमीहरुलाई अग्रपंक्तिमा ल्याउनका लागि आयोजना गर्छौं,’ आयोजक महिला सिर्जनशील केन्द्रकी मिलु थापाले भनिन्, ‘त्यसैले यो मेला केवल मेलामात्रै नभई महिलाहरुलाई व्यावसायिक बनाउने र अवसर नपाएका महिला उद्यमीहरुलाई प्रवर्द्धन गर्ने माध्यम पनि हो। हामी हाम्रो उद्देश्यमा यसपालि पनि सफल भयौं।’
मेलालाई आकर्षक र मनोरन्जनपूर्ण बनाउन फ्रि फोटो सुट, लक्की ड्र, डोर प्राइज, नि:शुल्क स्वास्थ्य जाँच तथा परामर्श, नि:शुल्क मेहन्दी लगाउने कार्यक्रम, नि:शुल्क कपाल कटिङ कार्यशाला, बालबालिकाहरुका लागि गेमिङ जोन, लाइभ म्युजिक एन्ड कल्चर प्रोग्राम समेत राखिएका छन्।
यो महोत्सव १७ वर्षदेखि काठमाडौंमा मात्रै आयोजना हुँदै आएको छ।
‘यही इभेन्टमार्फत हामीले कैयौं महिला आफैं उद्यमी बनेको देखेका छौं, त्यसैले यो केवल तीज फेस्टिभल मात्र नभई समग्र नेपाली महिलाको लागि व्यवसाय प्रवर्द्धन गर्ने प्लेटफर्म पनि हो,’ व्यवस्थापनको जिम्मा लिएको इभेन्ट संसारका प्रबन्ध निर्देशक पशुपति केसी कार्यक्रम सफल भइरहेकोमा दंग सुनिए।
आज (सोमबार) साँझ मेलाको समापन हुँदैन। मेलामा सहभागी महिला उद्यमीमध्ये ५ उत्कृष्ट व्यवसायलाई समापन कार्यक्रममा प्रोत्साहन स्वरुप अवार्ड प्रदान गरिने कार्यक्रम समेत रहेको अध्यक्ष थापाले बताइन्।
सोमबार मेला भ्रमणका क्रममा देखिएका थप दृश्य:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
