काबुल : १२ घण्टाको संघर्षपछि आफ्नो नियन्त्रणमा लिएको राजधानी काबुलस्थित इन्टरकन्टिनेन्टल होटलको सुरक्षा कारवाहीमा २१ जनाको मृत्यु भएको अफगान प्रहरीले जनाएको छ।
होटललाई हमलाकारीको आक्रमणबाट सुरक्षित गर्ने र होटेलमा रहेका पाहुना तथा कर्मचारीको उद्धार गर्ने क्रममा १४ विदेशीसहित चार जना अफगानी नागरिकको मृत्यु भएको हो। घटनामा संलग्न सबै ३ आतंकवादी पनि मारिएको अफगानिस्तानको गृह मन्त्रालयले जनाएको छ ।
१ सय ६० भन्दा बढि विदेशी पाहुना तथा होटलका कर्मचारीहरुलाई सकुशल उद्दार गरिएको थियो। घटनामा ४ अफगान नागरिकसहित १० जना घाइते भएको सरकारी अधिकारीहरुले बताएका छन्। दई साता अघि मात्रै होटलको सुरक्षाको जिम्मा पाएको कम्पनीको असावधानीका कारण नै सो घटना घटेको अनुसन्धानमा खटिएका अफगान प्रहरीले प्रारम्भिक अनुमान गरेका छन्।
बेलुकाको खाना सत्र चलिरहेको बेला बन्दुकधारीहरुले अन्धाधुन्ध गोली प्रहार गर्नुका साथै होटल भीत्रै ग्रीनेट पड्काएका थिए। 'आतंकवादीहरुले आक्रमण गरेपछि सुरक्षाकर्मीले जवाफी आक्रमण गरेका थिए,' गृह मन्त्रालयका प्रवक्ता नाजीब डेनिसले भने।
घटनास्थलमा सञ्चारकर्मी तथा आम मान्छेको प्रवेशमा रोक लगाएर सो सुरक्षा कारवाही थालिएको थियो । घटनास्थलमा उद्धारका लागि पुगेका एम्बुलेन्सलाई समेत होटल नजिकै लाइनमा राखेर होटललाई सुरक्षित साथ नियन्त्रणमा लिइएको थियो ।
आक्रमणको कुनै पनि समूहले जिम्मेवारी लिएको छैन । तर सरकारी सुरक्षाफौजले भने घटनामा तालिवानी समूहको सम्लग्नता रहेको आशङ्कामा छानविन गरिरहेको छ । रासस/एपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
