काठमाडौैं– नेकपा(एमाले)ले राष्ट्रियसभा निर्वाचनका लागि उम्मेदवार छनोट प्रक्रियालाई अघि बढाएको छ। निर्वाचनका लागि एमालेको सातै वटा प्रदेश कमिटीले सूचि पठाएका छन्।
सिफारीसका आधारमा आइतबार एमालेले उम्मेदवारको टुंगो लगाएको छ। सोमबार उम्मेदवारी दर्ताको तालिका छ। उम्मेदवार छनोटका लागि एमालेले ६ बुँदे मापदण्ड बनाइसकेको छ। जसमा स्थानीय, प्रदेश तथा प्रतिनिधिसभामा उम्मेदवार नभएका व्यक्तिहरु मात्र राष्ट्रिय सभा निर्वाचनको उम्मेदवार हुने उल्लेख छ। उम्मेदवारको अन्तिम टुंगो स्थायी कमिटि बैठकले लगाउने छ।
प्रदेशहरुबाट २ सय भन्दा धेरै नामहरु सिफारीस गरिएको छ।
प्रदेश नम्बर १ बाट ४१ जनाको नाम सिफारीस भएको छ। जगन्नाथ खतिवडा, अग्नि खरेल, पर्शुमेघी गुरुङ, गुरु बराल, शिव गुरुङ, युवराज कार्की, हरिशरण सिवाकोटी, किशोर अधिकारी, ओम कोइराला, लोककृष्ण भट्टराई, रविन कोइराला, दाताराम खनाल, खगेन्द्र चुँडाल, देवेन्द्र दाहाल, दीपक कार्की, मफुद अन्सारीको नाम सिफारीस भएको छ। त्यस्तै तैयव हुसेन, पिके राई, गोपाल गुरागाईं, किशोरचन्द्र दुलाल, डम्बरसिंह सम्बाहम्फे, डा.देउमान सम्बाहम्फे, विशेश्वरा दाहाल, इन्दु गौतम, जयन्ती राई, नयनकला ओझा, सुमित्रा भण्डारी, मालती सुब्बा, तारा ढकाल, खेम नेपाली, बुद्धिमान परियार, डिबी साह शंकर, ओमदयाल विक, टुन्जा बराइली, विष्णुमाया विक, द्रोण रेग्मी, डिपी राई, सोनामछिरिङ शेर्पा, पासाङ शेर्पा, कृपाशुर शेर्पा, दुर्गा लिंखा पनि सिफारीसमा परेका छन्।
प्रदेश २ बाट ५५ जनाको नाम सिफारिस गरिएको छ। एमाले प्रदेश संगठन समितिको राजविराजमा शुक्रबार सम्पन्न बैठकले सिरहाबाट रामचन्द्र यादव, जया घिमिरेसहित १३, सप्तरीबाट सुमनराज प्याकुरेल, धनुषाबाट रत्नेश्वर गोइत, यदुवंश झा, भोला साहसहित १२, पर्साबाट प्रभु हजरा र निर्मला देवकोटासहित ११ जनाको नाम सिफारिस गरिएको छ।
यसैगरी रौतहटबाट रोहित पासवान, बिना साहसहित पाँच, सर्लाहीबाट कमलादेवी महतो, रेवती पन्त, सुरेन्द्र लामासहित पाँच, बाराबाट दिनेशकुमार राय, पुरुषोत्तम पौडेलसहित चार र महोत्तरीबाट रामदयाल मण्डलसहित चार जनाको नाम सिफारिस भएको छ।
प्रदेश ३ बाट पनि ठुलो संख्यामा उम्मेदवार सिफारीस गरिएको छ।
वेदुराम भुसाल, रघुजी पन्त, आनन्दप्रसाद पोखरेल, देवशंकर पौडेल, शिवप्रसाद भण्डारी, बालकृष्ण सिवाकोटी, देवी ज्ञवाली, शान्ति अधिकारी, सावित्रा भुसाल, सुशीला नेपाल, पार्वती रावल, जगन्नाथ आचार्य, मेघनाथ पौडेल, राजेन्द्र राजथला, प्रेम पराजुली, सीताराम मास्के, मीना काफ्ले, श्याम घिमिरे लगायत सिफारीसमा परेका छन्।
त्यस्तै प्रदेश नम्बर ४ बाट गणेश तिमल्सिना, रामबहादुर थापा, सूर्यबहादुर खड्का बिखर्ची, केपी अधिकारी, दीपा गुरुङ, दानकुमारी पाण्डे, शान्तिदेवी खनाल, चित्रा नेपाली, शान्ति अधिकारी, विमला बोगटी लगायतको नाम छ।
प्रदेश नम्बर ५ बाट खिमलाल भट्टराई, खेममान खड्का, झपेन्द्र जिसी, नजिर मियाँ, शोभाराम बस्नेत, केशरमणि पोखरेल नेत्र पन्थी, हरिप्रसाद घर्ती, गोविन्द कोइराला, रामलखन हरिजन, नन्द विक, कृष्ण सुनुवार, केशकुमारी तुलाचन, भोजबहादुर गन्धर्व, देवीप्रसाद पोखरेल, कोमल वली, पुष्पाञ्जली उपाध्याय, कमला रिजाल, भारती खनाल, कृष्णा गुरुङ, एन्जिला थापा, राधिका शर्मा भट्ट, चन्द्रकुमारी पुन, नारायणी शर्मा छन् भने प्रदेश नम्बर ७ बाट महेश्वर पाठक, विक्रमबहादुर शाही, शेरबहादुर कुँवर, पुरनसिंह दयाल, अफिलाल ओखेडा, चक्रप्रसाद स्नेही, सावित्रा घिमिरे, कमला ओली, गौरी ओली, हीरादेवी अवस्थी, राधिका बोहरा, इन्दु विष्ट कडरियाको नाम सिफारीस गरिएको छ।
प्रदेश ६ मा विवादका कारण शनिबार बेलुकासम्म मात्र सिफारीस सूचि टुंगो लाग्ने भएको छ।
राष्ट्रियसभा निर्वाचनका लागि एमालेले २९ जना उम्मेदवार उठाउदै छन्। एमाले र माओवादीले ५६ मध्ये ४३ सिटमा उम्मेदवारी दिने निर्णय गरेको छ। जसमध्ये एमालेले २९ तथा माओवादी केन्द्रले १४ सिटमा उम्मेदवारी दिने तय भइसकेको छ। बाँकी सिटमा वाम गठबन्धनले अन्य पार्टीसँग सहकार्य गर्ने जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
