काठमाडौं– भारतसहित चार देशको विमानस्थलका प्रहरीलाई छक्याउन सफल कोकिन तस्कर नेपालमा पक्राउ परेका छन्। बोलिभियाबाट कोकिन बोकेर आएका बोलिभियन नागरिक फ्रेडी मामानी एन्डियालाई नेपाल प्रहरीको लागूऔषध नियन्त्रण ब्यूरोले बिहिबार ठमेलबाट पक्राउ गरेको हो।
उनको साथबाट एक केजी ९ सय ५८ ग्राम कोकिन बरामद भएको ब्यूरोका डिआईजी ठुले राईले बताए।
बरामद कोकिन दक्षिण अमेरिकन देश बोलिभियाबाट ल्याइएको हो। त्यहाँबाट ब्राजिल, इपियोपिया, भारत हुँदै नेपाल ल्याइएको डिआईजी राईले बताए। उक्त कोकिन भारतसहित चार वटा देशको विमानस्थलबाट सजिलै छिराउन फ्रेडी सफल भएका थिए।
तर, नेपाल प्रहरीलाई भने उनलाई झुक्याउन सकेनन्। यसले नेपालको विमानस्थलको प्रहरी भारतीय भन्दा फरवार्ड रहेको देखाएको छ।
गत शुक्रबार विमानस्थलमा खटिएको ब्यूरो टोलीले उनको झोलामा कोकिन रहेको पत्ता पाइसकेको थियो। तर, विमानस्थलमै उनलाई प्रहरीले पक्राउ गरेन। उनको पिछा गर्दै उनी बस्ने होटलसम्म प्रहरी पुग्यो। डिएसपी प्रेम शाहीको कमाण्डमा प्रहरी टोली अप्रेसनमा खटियो। उक्त कोकिन लिन अर्को कोही व्यक्ति आएपछि मात्र पक्राउ गर्ने प्रहरीको योजना थियो। सोही अनुसार प्रहरीले ५ दिनसम्म निरन्तर उनको पिछा गरीयो। छैंठौं दिन मात्र प्रहरीलाई सफलता हात लाग्यो। नेपालमा पक्राउ परेपछि अन्य देशको तुलनामा थोरै मात्र सजाय हुने भएकाले यसरी नेपाललाई ट्रान्जिटका रुपमा प्रयोग गरिएको हुनसक्ने प्रहरी अधिकारीहरु बताउँछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763721444.png)
-1763559424.jpg)
-1763559424.jpg)
