भक्तपुर- भक्तपुरको सिर्जनानगरमा गएराति भएको सवारी दुर्घटनामा एक जनाको मृत्यु भएको छ। दुर्घटनामा ४ जना घाइते भएका छन्। मृत्यु हुने दोलखा भिमेश्वर नगरपालिका-१३ का ३५ वर्षीय रोशनकुमार बस्नेत हुन्। उनी नेकपा एमाले केन्द्रीय कार्यालयका सदस्य समेत हुन्। गम्भीर घाइते भएका बस्नेतको उपचारका क्रममा भक्तपुर अस्पतालमा गए राति नै मृत्यु भएको हो।
गएराति ९ बजे काठमाडौंबाट भक्तपुरतर्फ जाँदै गरेको बा२ज २०४१ नम्बरको ट्याक्सीमा पछाडिबाट गइरहेका बा४४प ५१५२ र बा८५प ७०४६ नम्बरको दुईवटा मोटरसाइकल ठोक्किएका थिए।
दुर्घटनामा ५१५२ नम्बरका चालक बस्नेतको मृत्यु भएको हो। दुर्घटनामा सोही मोटरसाइकल पछाडि बसेका काभ्रे कोशीपारी-८ का केदार खनाल, ७०४६ नम्बरका चालक दोलखा शैलुङ गाउँपालिकाका मनोज योञ्जन र रामेछापका धावा मोक्तान घाइते हुन्। घाइते सबैको भक्तपुर अस्पतालमा उपचार भइरहेको छ। दुर्घटनामा सग्लंन तीन वटै सवारी साधनलाई प्रहरी वृत जगातीले नियन्त्रणमा लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
