यतिले भित्र्यायो नयाँ विमान

नेपाल लाइभ | २०७६ श्रावण ११ शनिबार | Saturday, July 27, 2019 १७:४०:०० मा प्रकाशित

काठमाडौं- यति एअरलाइन्सले नयाँ एटिआर ७२-५०० विमान भित्र्याएको छ। यो सँगै यतिका यो सिरिजका विमान पाँच वटा पुगेका छन्। 

नेपाली रजिस्ट्रेसन नम्बर '९-एन–एएनजी' रहेको उक्त विमान थाइल्यान्डको बैंङ्ककबाट उडेर दिउँसो साढे १ बजे त्रिभुवन अन्तरास्ट्रिय विमानस्थलमा अवतरण गराइएको हो। 

सन् १९९८ देखि उडान सेवा सुरु गरेको यतिसँग अब एटिआर ७२– ५०० ५ वटा जे-४१ विमान ५ वटा र भगिनी संस्था तारा एअरका ६ वटा विमान रहेका छन्। 

भिजिट नेपाल २०२० मा २० लाख पर्यटक भित्र्याउनले लक्ष्य हासिल गर्न थपिएका विमानले मद्दत पुर्‍याउने विश्वास यति एअरलाइन्सले लिएको छ।