काठमाडौँ– युवा संघ नेपालले शीतलहरबाट प्रभावित सिराहा, महोत्तरी र सप्तरीमा लत्ताकपडा र कम्बललगायतका सामग्री वितरण गर्ने भएको छ। संगठनका अध्यक्ष राजीव पहारीको नेतृत्वमा एक टोली ती क्षेत्रमा जाने भएको छ।
संघको आज बसेको बैठकले त्यससम्बन्धि निर्णय गरेको हो। प्राकृतिक प्रकोपबाट समस्यामा परेका नागरिकलाई आवश्यक सहयोग गर्न जिल्ला संगठनलाई निर्देशनसमेत दिएको प्रवक्ता प्रभातविक्रम कटुवालले बताए।
संगठनका अध्यक्ष पहारीको नेतृत्वमा एक प्रतिनिधिमण्डल शुक्रबार कपडासहितको राहत लिएर प्रभावित क्षेत्रमा जाने निर्णय बैठकले गरेको हो। उक्त संगठनको विपद् न्यूनीकरण विभागले स्थानीय प्रशासनसँग समन्वय र सहकार्य गरी राहत वितरण गर्ने जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
