झापा– प्रहरीले भारतबाट मोटरसाइकल चोरेर ल्याइ बिक्रि गर्ने समूहलाई पक्राउ गरेको छ। चोरीका सात वटा मोटरसाइकलसहित प्रहरीले त्यस्तो गिरोहलाई पक्राउ गरेको हो।
इलाका प्रहरी कार्यालय अनारमनीले ८ जनाको समूहलाई पक्राउ गरेको हो।
बिर्तामोड नगरपालिका– ६ का सुदीप रिजाल, बिर्तामोड– १० का वीरेन्द्र लिम्बू, हरि न्यौपाने, अर्जुनधारा नगरपालिका– २ का ओमप्रकाश सेन्चुरी (विश्वकर्मा), कचनकवल गाउँपालिका– २ निवासी संजोग लिम्बूलाई पक्राउ गरेको छ।
त्यस्तै कन्काई नगरपालिका– २ निवासी विशाल पुरी, अभिषेक मगर र भद्रपुर नगरपालिका– २ का युवराज राई समेत पक्राउ परेका छन्। पक्राउ परेकाहरुलाई मोटरसाइकलसहित भन्सार कार्यालयमा बुझाइएको डिएसपी कृष्ण प्रसाद कोइरालाले बताए।
उनीहरुको भारतमा मोटरसाइकल चोर्ने गिरोहसँग सम्बन्ध रहेको र नक्कली नम्बरप्लेट राखेर नेपालमा सस्तोमा बिक्रि गर्दै आएका थिए। डिएसपी कोइरालाका अनुसार बुलेट मोटरसाइकल ७० हजार रुपैयाँसम्म बिक्रि गर्दथे।
लामो समयदेखि सो समूहले मोटरसाइकल चोरी गर्दै झापामा ल्याएर बिक्रि गर्दै आएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
