नेपालगन्ज– नेपालगन्ज उपमहानगरपालिकाको मुख्य सडकलाई धुलोमुक्त पार्ने अभियान सुरु भएको छ।
नेपालगन्जको कारकादोदेखि गणेशमान चोकसम्मको करिब ४ किलोमिटर सडकको किनारा र ग्रिन बेल्टको किनारामा वर्षाैंदेखि थुप्रिएको धुलोलाई सफा गरेर शहरी क्षेत्रको सडक सफा र धुलो मुक्त बनाउन थालिएको हो।
सडकको किनारामा लामो समयदेखि जम्मा भएको धुलो सफा नहुँदा पैदल यात्रुसँगै साइकल तथा मोटरसाइकल यात्रु समेतले सास्ती खेप्दै आएका थिए।
धुलोका कारण सडक फोहर हुनुका साथै मानव स्वास्थ्यलाई समेत असर पुर्याउन थालेपछि उपमहानगरपालिकाले धुलो उठाउन सुरु गरेको हो।
नेपालगन्ज उपमहानगरपालिकाले धुलो सफा गर्नका लागि एक सातादेखि ८ जना सरसफाइकर्मीलाई परिचालन गरी २ वटा टयाक्टर मार्फत धुलो उठाएर डम्पिङ साइडमा बिर्सजन गर्ने व्यवस्था मिलाएको छ।
सडक धुलोमुक्त पार्ने अभियानसँगै सडक सफा देखिन थालेका छन्।
सहरका मुख्य सडक सफा गरी धुलोमुक्त बनाएपछि स्थानीय बासिन्दा उद्योगी÷व्यवसायीलाई जथाभावी फोहर नगर्न अपिल गर्ने र अटेर गरेर जथाभावी फोहर गर्ने, फोहर फ्याक्नेलाई कारबाही गर्ने उपमहानगरपालिका जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
