बास बस्न खाली जग्गा व्यवस्था गरिदिन सुकुम्बासीको माग

ब्लग

नेपाल लाइभ आइतबार, पुस ३०, २०७४ ०७:५५

विराटनगर– विगत तीन पुस्तादेखि कटहरी गाउँपालिका वडा नम्बर १ मा बसोबास गरिरहेका सुकुम्बासीले अन्य खाली जग्गामा घरबासका लागि व्यवस्था गराउनुपर्ने माग गरेका छन्।

उनीहरुले शनिबार पत्रकार सम्मेलन गरी कटहरी गाउँपालिका तथा वडा नम्बर १ को कार्यालयले आफूहरु बसिरहेको घर टहरा हटाउन सूचना जारी गरेकामा समेत आपत्ति जनाएका छन्।

विगत तीन पुस्तादेखि उक्त स्थानमा बसिरहेकामा गत साउनमा आएको बाढीले घर डुबान तथा कृषि बजार निर्माण गर्न उक्त जग्गामा बाटो निर्माण भएकाले सो स्थान छाडी छेउका नारी विकास संघ झम्टोकी पछाडिको खाली पर्ती जग्गामा एक महिना अगाडि बसोबास गरेको बताएका छन्।

कार्यक्रममा माओवादी केन्द्रका जिल्ला सदस्य मोहम्मद अब्जलले सुकम्बासीलाई अन्य खाली जग्गा व्यवस्था गरेमा उक्त जग्गा खाली गर्ने बताए।

मसानघाटका रुपमा चिनिएको उक्त ऐलानी जग्गा १५ घर परिवारका करिब ६० जना अत्यन्त गरिब मुस्लिम परिवार बसोबास गरिरहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव