विराटनगर– विराटनगरमा सक्रिय दुई पेशेवर लुटेरालाई प्रहरीले पक्राउ गरेको छ।
बिराटनगर महानगरपालिका–२ सोमबारे हाट नजिकबाट नगद लुटी भागेका सुनसरीको बेलगाछी–८ बस्ने १६ वर्षीय देवा मण्डल र सुनसरीकै गडी गाउँपालिका–४ बस्ने २१ वर्षीय अजय मण्डललाई शुक्रबार प्रहरीले पक्राउ गरेको हो।
उक्त ठाउँमा साइकलको अगाडि डिक्कीमा राखेको ८० हजार रुपैयाँ लुटी उनीहरु फरार भएका थिए। प्रहरी कार्यालय मोरङबाट खटिएको प्रहरीले खोजी गर्दै जाने क्रममा बिराटनगर महानगरपालिका–५ जामुनगाछीमा मे.३ प ७२६ नम्बरको मोटरसाइकलमा जाँदै गरेको अवस्थामा फेला पारी उनीहरुलाई पक्राउ गरेको हो।
उनीहरुको साथबाट ६८ हजार ८ सय २० रुपैयाँ नगद र १ थान मोबाईल बरामद भएको छ। लुटपाटमा प्रयोग गरिएको उक्त मोटरसाइकल समेत चोरीको भएके खुलेको छ। गत असोज ८ गते कोशी अंचल अस्पताल अगाडिबाट उनीहरुले उक्त मोटरसाइकल चोरी गरेका थिए।
अन्य अपराधमा प्रयोग गर्न उनीहरुले मोटरसाइकल चोरेको प्रहरीले जनाएको छ। उनीहरु खतरनाक लुटेरा भएको र पक्राउ नगरेको भए अन्य ठाउँमा पनि लुटपाट गर्न सक्ने एक प्रहरी अधिकारीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773643707.png)
