काठमाडौं- सन् २०१९ को जनवरीदेखि जुनसम्ममा आन्तरिक हवाई यात्रुको संख्या १४ लाख ९१ हजार ८ सय ५ पुगेको छ। आन्तरिक हवाई सेवा प्रदान गर्ने डेढ दर्जनभन्दा बढी कम्पनीमध्ये सबै बढी यात्रु बोक्ने कम्पनीको रुपमा बुद्ध एयरलाइन्स भएको छ। बुद्ध एयरलाइन्सले पहिलो ६ महिनामै ७ लाख ५८ हजार ३ सय ४१ यात्रुलाई हवाई सेवा दिएको छ। यो संख्या कुल हवाई यात्रु मध्ये ५० दशमलव ८३ प्रतिशत हो।
योसँगै बुद्ध एयरले बुद्धले आफ्नो खस्कँदो बजार हिस्सा पनि सुधार गरेको छ। सन् २०१८ मा आन्तरिक हवाई उडानतर्फ बुद्धको यात्रु हिसा ४६ दशमल ५४ प्रतिशतमा झरको थियो। तर, सन् २०१९ को पहिलो ६ महिनामै बुद्धले ४ प्रतिशतभन्दा बढी बजार हिस्सा बढाउन सफल भएको हो। सन् २०१८ मा १३ लाख २५ हजार ४ सय ९ जना यात्रुलाई सेवा दिएको थियो। यो वर्ष जम्मा आन्तरिक हवाई यात्रुको संख्या २८ लाख ४७ हजार ७ सय ५२ थियो।
यसैगरी आन्तरिक उडानको दोस्रो बजार हिस्सा ओगट्न सफल कम्पनी भने यति एयरलाइन्स भएको छ। सन् २०१८ का तुलनामा यतिको यस वर्षको बजार हिस्सामा केही कमी आएको छ। यतिले सन् २०१९ को पहिलो ६ महिनामा ३ लाख ४४ हजार ६ सय ५० जना यात्रुलाई सेवा दिएको छ। यो संख्या कुल आन्तरिक हवाई यात्रुको संख्यामा २३ दशमल १० प्रतिशत हो। सन् २०१८ मा यतिले कुल यात्रुको २३ दशमल ४८ प्रतिशत बजार हिसा ओगट्न सफल भएको थियो। यतिले सन् २०१८ मा ६ लाख ६८ हजार ६ सय ६४ यात्रु बोकेको थियो।
यसैगरी, आन्तरिक उडानका सन् २०१९ को पहिलो ६ महिनामा तेस्रो बढी यात्रु बोक्ने सफल वायु सेवा कम्पनीको रूपमा श्री एयरलाइन्स भएको छ। तर, श्री एयरलाइन्सको सन् २०१८ को तुलनमा सन् २०१९ को पहिलो ६ महिना बजार हिस्सा घटेको छ।
श्रीले सन् २०१९ को जनवरीदेखि जुनसम्म कुल २ लाख ८ सय ८ जना यात्रुलाई हवाई सेवा दिएको छ। यो संख्या कुल हवाई यात्रुको संख्यामा १३ दशमल ४६ प्रतिशत हो। तर, श्रीले सन् २०१८ मा सन् २०१७ को तुलनामा आफ्नो बजार हिसा बढाउँदै १५ दशमलब ७२ प्रतिशत पुराएको थियो। श्रीले सन् २०१८ मा कुल ४ लाख ४७ हजार ८ सय ७७ यात्रु बोकेको थियो।
नेपाल एयरलाइन्सका यात्रु ३५ हजार मात्रै
राष्ट्रिय ध्वाजबाहक नेपाल एयरलाइन्सलको आन्तरिक उडान तर्फ भने सन् २०१९ को पहिलो ६ महिनामा ३५ हजार १ सय ३१ जना यात्रुलाई मात्रै सेवा दिएको छ।
यो संख्या ६ महिनाको कुल आन्तरिक हवाई यात्रु संख्याको २ दशमल ३५ प्रतिशत मात्रै हो। आन्तरिक उडानमा नेपाल एयरलाइन्ससँग ८ वटा जहाज भएपनि ३ वटा जहाज मात्रै उडान भएका छन्। सन् २०१८ मा भने नेपाल एयरलाइन्सले आन्तरिक तर्फ ७९ हजार १ सय ७२ जना यात्रुलाई हवाई सेवा दिएको थियो। तर, सन् २०१९ को पहिलो ६ महिनामा पुरानो बजार हिसा पनि सुरक्षित गर्न सकेको छैन।
अहिले आन्तरिक उडानमा बुद्ध, यति, श्री, सौर्य, समिट, तारा, सितालगायत एक दर्जनभन्दा बढी हेलिकोप्टर कम्पनी पनि छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772949758.png)
-1764146706.png)
